Nerea Etxeberriak irabazi du Idiazabalgo Herri Krosa

Urola Kostako Hitza eta uztarria.com | Kirolak
2008ko urt. 29a, 12:01

Joan den igandean jokatu zuten Idiazabalgo XXVIII. Herri Krosa

.40:56,10 denboran burutu zuen Nerea Etxeberria azpeitiarrak proba; bigarren sailkatu zen Nerea Aizpuru, azpeitiarra bera ere

Argazkian, ezkerretik eskuinera, Nerea Aizpuru (Azpeitia), Nerea Etxeberria (Azpeitia) eta Naroa Arrieta (Lazkao).  Argazki originala

Nerea Etxeberria azpeitiarrak irabazi zuen joan den igandean jokatutako Idiazabalgo XXVIII. Herri Krosa. 40:56,10 denbora eginda burutu zuen Etxeberriak 10,4 km luzeko proba. Bigarren emakumea ere azpeitiarra izan zen: Nerea Aizpuru. Etxeberriak minutu eta 40 segundoko aldea atera zion Aizpururi (42:31).

Etxeberria pozik agertu zen lortutako emaitzarekin, baina batez ere, giroa eta antolakuntza ona azpimarratu zituen. "Beste lasterketa batzuetan, aurrenekoek hartzen dute garrantzia, baina hemen denek dute garrantzia bera; sariak ere berdinak dira denentzat. Hori gustatzen zait gehien".

Lehendik ere ezagutzen zuen Idiazabalgo proba Etxeberriak, baina aurten hartu du parte lehendabiziko aldiz. "Txikitan atera nintzen, eskolarteko mailan. Iaz, berriz, ikustera etorri nintzen eta aurten animatu egin naiz parte hartzera". Eta, esperientzia ikusita, datorren urtean errepikatzeko prest dagoela azaldu zuen korrikalari azpeitiarrak.

Gizonezkoetan Ziani garaile

Gizonezkoetan Kamel Ziani oriotarrak irabazi zuen lasterketa. 32:26,99ko denbora egin zuen oriotarrak eta minutu eta 20 segundoko aldea atera zion bigarrenari.

Bidali:  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu