Bukatu da Pourra'07

Uztarria.eus | Kirolak
2007ko uzt. 29a, 18:07

Alex Alberdi, Koldo Okariz eta Patxi Mendizabal izan dira Uztarriaren lehiaketako lehen hirurak

Sari banaketa San Inazio bezperan izango da, Uztarriako txosnan, 20:00etan

Xabier Malo, Alex Alberdi, Josu Zubizarreta (Patxi Mendizabalen ordez), Koldo Okariz eta Jon Goenaga sari banaketa egunean sariak eskuan dituztela. Anjel Gomez berandu azaldu zen; tiobiboetako balea irabazi zuen (eskubiko argazkia  Argazki originala

Informazio guztia

Informazio guztia

Alberto Contadorrek irabazi du aurtengo Frantziako Tourra, Errebalean bizi izandako ume mokoak, eta hura apustuan sartu dutenak ibili dira ondoen Uztarriako Pourran ere.

  • Osintxu Alex Alberdiren taldeak irabazi ditu 690 euroak
  • Basarriko Ogiye, Koldo Okarizena, gelditu da bigarren. 345 euro.
  • Ullrich Team hirugarren. 172,5 euro Patxi Mendizabalentzat.
  • Kiruri jatetxean bi lagunentzako afaria, Jon Goenagaren Dormilon taldearentzat izango da, 6. gelditu delako.
  • Mireia Epelde txirrindulariaren elastikoa, Manolete Xabier Maloren taldearentzat. 69. postua, berea, aurtengo Pourran.
  • Albitxi taldea geratu da 100. postuan. Mikel Aramendirentzat Uztarriaren saria.
  • Eta, bukatzeko, 115. postuan Angel Gomez geratu da, Angel Txatarrero taldearekin. Tiobiboetarako balea eramango du.

Talde ideala eta txirrindularien puntuak

Txirrindulari bakoitzak lortu duen puntu kopurua ikus dezakezue hementxe bertan.

Horren arabera, aurtengo talde idealak 2175 puntu lortuko zituzkeen. Ia-ia iazkoak adina (2174.85 puntu iaz).

Sari banaketa San Inazio bezperan

Ohitura den bezala, sari banaketa San Inazio bezperan izango da, uztailaren 30ean, 20:00etan, Uztarriaren txosnan. Saritu guztiek bertara azaldu beharko dute saria jasotzera.

Zorionak irabazle guztiei eta eskerrik asko parte-hartzaile denei.

Bidali:  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu