Lanuztea eta elkarretaratzea egin dituzte presoen eskubideen defentsan

Uztarria.eus | Besterik
2007ko ots. 23a, 19:02

Herriko plazan egin dute elkarretaratzea

Lanuztearekiko atxikimendua adierazten duen kartela.  Argazki originala

Euskal preso politikoen defentsan Etxeratek deitutako lanuztea egin dute gaur, ostirala, 12:00etatik 13:00era hainbat herritarrek. Lanuztearekin batera elkarretaratzea deitua zuen Etxeratek. Deialdiak erantzun zabala izan du. 300 bat herritar izan dira “Eskubide guztien jabe, euskal presoak Euskal Herrira” lelopean herriko plazan egin den elkarretaratzean.

Horretaz gain, hainbat lantegitako langileek euren egoitzen aurrean egin dituzte elkarretaratzeak. Bestalde, alde zaharreko denda eta taberna gehienek bat egin dute lanuztearekin. Euskal Herriko gainontzeko herrietan ere egin dituzte lanuzte eta elkarretaratzeak.

Bide batez, dei egin dute Etxeratek hilaren azken ostiraletan egin ohi duen maindire ilarara azaltzeko eta gauean Euskal Presoak Euskal Herriratzearen alde Mendizaleak tabernan antolatu duten mus txapelketa azkarrean parte hartzeko.

Bidali:  

Erantzunak

Erabiltzailearen aurpegia da hau Uztarria | 2007-02-24 : 17:02

Uztarriak aurreko iritzia kendu egin du, gaiarekin inolako zerikusirik ez zuelako. Mesedez, gaira mugatu.
Eskerrik asko,
Uztarria

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu