Hurrengo urtera arte adio karnabalei

Uztarria.eus | Festak
2007ko ots. 21a, 13:02

Atzo bukatu ziren festak, euri artean

Maila ona izan zen helduen mozorro lehiaketan

(Ikusi karnabaletako argazki bilduma)

Saririk jaso ez bazuten ere, ederki landutako mozorroa atera zuen kuadrila honek.  Argazki originala

Atzo (asteartea) hurrengo urtera arte adio esan zieten azpeitiarrek karnabalei. Oro har, festa giro alaia eta jendearen parte-hartze handia izan dituzte ezaugarri aurtengo karnabalek. Euria ere protagonista, igandean eta atzo asko egin zuelako.

Jende ugari ibili zen astelehenean mozorrotuta kalean. Astelehen goizean mozorrotu ziren ume eta gaztetxoak, eta gauean egin zuten horixe helduek; maila ona izan zen.

Udalak helduen artean urtero antolatzen duen mozorro lehiaketaren sari banaketa astearte goizaldeko ordu bat eta erdi aldean hasi zen. Mozorroen gaiak askotarikoak izan badira ere, erlijioarenak toki handia hartu du. Izan ere, taldekako lehenengo eta hirugarren sariek erlijioarekin zuten zerikusia. Lehen saria jaso zuen taldea Aste Santuko prozesioz mozorrotu zen. Amabirjina eta guzti 1.000 euroko saria lortu zuten. Hirugarren saria eskuratu zutenak, berriz, lehen jaunartzez mozorrotu eta 600 euroko saria jaso zuten. Tartean, bigarren saria (800 euro) lortu zuten dantzariz jantzitakoek; diskoteka eta guzti ibili ziren kalean.

Bakarkakoetan ere izendatu zituzten mozorro onenak. Pantoja izan zen saririk onena jaso zuena (150 euro). Bigarren saria Loiolaren mozorroak eskuratu zuen (afaria Loiola Hotelean). Hirugarren mozorrorik onena, egiptoarrez mozorrotu zenak lortu zuen (Larrañaga Jatetxean afaria).

Horiez aparte, aipamen bereziak egin zizkien Udalak hainbati. Hala nola, perutarrez jantzi ziren taldeari, su-hiltzaileei, Etxaniz etxeko andreari eta sevillana martxosari (saria: afaria).

Aurten lehenengo aldiz tabernentzako ere izan da saririk. Udalak Eguzkitzari eman dio sari berezia: ume gela baten itxuran apaindu zuten taberna eta zerbitzariek pijamak jantzita egin zuten lana.

Gaueko ordu txikiak igarota, astearte goizean ere sokamuturra izan zen. Astearte arratsaldean izan zen berriro sokamuturra. Bukatzeko, zezenaren hileta izan zen.

Hurrengo urtean sansebastianak pasatu eta bi astera izango dira karnabalak.

Bidali:  

Erantzunak

Teknikoa | 2007-02-21 : 15:02

Pasau dituk ba aurtengo karnabalak.Aiba ondoriyo batzuk.
- Hasteko,egualdiye mierda bat,baño hori etziok kontrolatzeik.
- Zapatuen zeoze jarri ber ziaben nere ustez xeoxe badare animatzeko.Oñ dala urte batzuk Barrikada,Kojon Prieto ta estiloko grupuek eon izen hituan egun hortan.Holako grupuek izen gabere ba zeoze jarri,hilde eotek eta egun hortan herriye.
- Jaye ondo ziok daon bezela.
- Astelenin nere ustez taldiek ez dituk lengo urtin hainbete preparau.Nik uste politte izengo huala jendie ya arratsaldin zezenea disfrazaute ertetzie.Aurten e afal aurretik etzaoan apenas iñorre kalin,betiko kuadrillie kendute,komuniyokuek.Jendik oso beandu ertetzeik.
- Asteartie ondo ziok daon bezela.
Halare earrak izen dituk karnabalak!

txokola | 2007-02-21 : 18:02

Neu "teknikuekin" ados nagola esan behar puntu baten ez ezik, taldeen partaidetzan, neretzako aurten sekula baino talde gehio atera zan. Ia hurrengo urteako lehenxeo ta ugariyo(isfrazauta) ateatzen gean. Ze motzak dien karnabalak!

amek | 2007-02-22 : 09:02

Udal honek badu horrelako nahia gauzak originalak egiteko eta aparteak izateko. Umeen desfilea besste era batera planteatuko nuke ganadu gisa hortik ibiltzea ez da oso jai girokoa.
Azpeitik ez dago festetan komunetara joateko modurik zenbait lekutan, tabernak batibat.
furgonetan ibili zen taldea berriz, ba bueno ideia ona baina ez zuen engantxatu gehiegi (agian EUSKARAZ EGIN EZ ZUELAKO)
Datorren urtekoak askoz ere hobeagoak izango dira noski.

Anam | 2007-02-22 : 15:02

Neurie:
-Zezenien Mixikordiyen hurrengo urtien ja iriki estratie zezeneako, obrak bukautekuen. Beste leku bat zezeneako, emoxiyo pixket. Bestela Mixikordiko hori nahiko pasibue geatzen da. Jendientzat hesiyek mantentu baino estratie iriki.

-Ados: jendiek astelehenien lenuo erten beherko luke disfrazaute.
-Ez ziten gustau astelehen gabien furgonetan ibili zan taldie erdaldune izetie. Baino bai kalez-kale ibiltzie.
-Tabernatan gehiyo jarri beherko lituzkebe karnabaletako kantuek, pasau gabe. San Sebastianetan kanpoko batek esan zien bezperako gabien behin tanborradie bukaute ez zala notatzen tanborrada gabie zanik: danak erropaz aldaute eta batipat tabernatan tanborradako kantuik batez. Anbiente pixket faorez.
-Bati aitu diyot: San Sebastianetan arrakastie izen zun tandorradako banderiek balkoietan eta karnabaletan norbeak jantzi beherko luke bere balkoie. Errebalien batek earki zeukela aitu diyot hari: zapi kolorin kolorau bat eta globuek. Tolosan earki eoten omen die balkoiek. Anbiente!

ErramunAizpuru | 2007-02-22 : 18:02

Esan digute aurrekoek, iñauteriei zer gehitu behar zaien erakargarriagoak izan daitezen. Ez dira gutxo lau erantzun azken aldian ikusitako lehortearekin alderatuz. Nik, ordea, zer kendu behar zaien aurtengoei adierazi hani dut ozenki eta indar guztiz. Aste Santua, "Amabirjina eta guzti"hartu du talde batek bere irri gaitzat. Utz dezagun irudimenezaren arazoa eta jo dezagun gaira. Azpeitiarrok asko maite izan dugu eta maite dugu Amabirjina. Lekuko gisa izan bitez Olatzko Amaren baseliza, Ama Miraritsuaten bederatzihurrena, Ama Miraritsuarten etxez etxeko ikustaldiarena, Arantzazuko Amari diogun jaidura etabar luzebat. Onartezina da, biraogarria hori trufagaitzat hartzea. Eta zer esan Lehen Jaunartzeari buruzko eleizbideri buruz? Tamalgarria, arbuiagarria Ezin daitezke azpeitiar asko eta askoren sinesmenak irrigarritzat hartu. Araudiren bat eskatzen diot Udaletxeari zeinak gebenduko dituen gai hauek. Eta gainera sarituak izan dira aipatu taldeek. Ez dut zalantzarik azpeitiar asko eta esako minduta daudela aitortzerakoan. Minduta eta isilik. Ez eta ez! IRAIN-ORDEA ( "desagrabioa")eskatzen dut hainbeste biraoen aurrean Gure Amabirjinarekiko zein Lehenjaunartzearekiko jaidura ez erabiliIñauteri gaitzat. Beude Iñauteriak bere esparruan eta beude garizumari lotuta, hau da,Ababirjiñari zor diogun jaidura gehitzeko. Eta abes dezagun iñauteriekin sartu gabe, askatasun osoz POZEZ BETERIK GATOZ...

Miren | 2007-02-22 : 18:02

Erramuni erantzunez, bere idatzia lekuz kanpo dagoela iruditu zaidala esan nahi nioke; hare gehiago, haserre punttu bat ere piztu duela nigan. Ihauteriak direla!!! Azpeitiko karnabalak!!! Zure erizpidearen arabera disfraz guztiak errespetu falta adierazten dute orduan. Zure idatzian tolerantzia eza nagusitzen da. Zure sinesmena guztiz errespetagarria iruditzen zait, baina errespetu bera merezi du amabirjinarengan sinesten ez duen pertsona batek, hindú batek, japoniar batek, eskale batek, doktore batek…
Azken finean, ihauteriak ondo pasatzeko dira eta amabirjinari begira guztiok disfrutatu genuen, aspaldi Azpeitian izan den disfrazik lortuena izan zela esango nuke. Zorionak Iñaki eta bere lagunei! Lehenengo saria ondo merezia zenuten.

ErramunAizpuru | 2007-02-22 : 21:02

Nondik atera duzu, Miren, iñauteriak ondo pasatzeko direla? Eta ez pasaarazteko? Ez al dugu guztiok zuk diozun bezala "ondo pasatzeko " eskubiderik? Ba badakit, jakin, askok eta askok iraindua ikusi zutela beren burua horrelako Amabirjin sarituaren irudi eta trufekin. Amabirjinaren irudi asko dago lasai eta pozik ikusi ahal izateko eta ez dugu azpeitiarrok horrelako txantxore beharrik. Agian beste adibide honek zerbait argituko dizu. Ezagutzen duzu "Asturias patria querida" abestia. Edonon, mozkorraldi guztietan abestu ohi zuten; eta, Asturiasko eresi bihurtu eta gero,debekaturik dago egoera horietan abestea; eta guzti hori, asturiar gehienentzat biraoa izango litzatekeelako. Eta, jakin ezazu, berdin gaitzetsiko nukeela Buda edo edozein jainkosa iñauteri gai bihurturik ikusiko banu. Are gehiago; begi gainean lau hatz bekoki duen edozein hindu, edo japoniar edo eskale edo doktoreak ez lioke ukorik egingo kristau sinesmenari zor zaion begiruneari. Beraz, zeure buruari galdetu beharko diozu nor dabilen hemen oker.Beti izan ohi da errezena, gaia aztertu gabe,besteei egoztea errua ostrukarena eginez. Baina ez sartu gehiehi burua lur azpian ito bait zaitezte. Arnastu, arnastu

Miren | 2007-02-23 : 08:02

Aitortu behar Erramun lastima sentiarazten didatela zure hitzek. Nire ondorioa: inauteria kritikatu duzun moduan kritikatzen duen elizgizonaren barruak ez du gustura behar. Inauterietakoak mozorro batzuk besterik ez dira izan; eguneroko bizitzan kristauz mozorrotuta dabilenak ematen dit niri pena. Eta ondo dakit burua non sartu dudan, nire uste apalean zurea iritzia izan da arinegia oraingoan. Gai honi dagokionean luze emango luke gure solasaldiak eta erantzun honekin bukatuko dut, baina kritikatzen hasita Erramun, badago elizaren barruan kritikagarriagorik gazte batzuen mozorroa baino. Aztertu ezazu hori.

ErramunAizpuru | 2007-02-23 : 12:02

Ez dut inoiz inongo iñauteririk "kritikatu", gaitzetsi Eta hori argi bezain ozenki aitortu nahi dizut,Miren; aitzitik, oso gogoko ditut eta urteak eman ditut Tenerifeko iñauterietan murgildurik. Zuzendari izan naizen institutoetan nik neuk antolatu ditut baita Londresen eskura nuen taldearekin Beraz, iñauteriek oso "gustokoak" ditut.Batez ere Frazer, Julio Baroja eta abarren iñauterietako oinarriak ikasi ondoren bai Unibertsitatean eta baita ere ene bakarkako azterketetan. Utzi nirekiko sortzen zaizun "lastima". Ez naiz batere errukarria. Zuk, Mirenek eta biok iñauterien alde egin dugun lana alderatuko bagenu, helmugara heldu naizela esango nuke zu lehenengo urratsak baino ematen ari zaren bitartean. Izan dezazula bizi luze bat nik adina lan egin dezazun iñauterien alde
Eta iritzi bat aldarrikatzen denean zioak eman behar dira.Aspaldiko laninezko esaera batek dio:Asserentis est probare. Nire iritzia arinegia bada jakinarazi beharko diguzu nondik ateratzen duzun baieztapen arin bezain laidogarri hori.
Eta jakina, uste izatekoa zenez beste gai batekin lokaztatu nahi duzu orain arte esandakoa "badago elizaren barruan kritikagarriagorik gaazte batzuen mozorroa baino" Hala berriz hau! Eta gazteen artean mozorroak baino kritikagarriagorik. Eta nini egozten didazun esonda zuri itzultzen dizut:aztertu ezazu hori, Miren! Egunero aztertu ohi ditugu elizak dituen akatsak eta mozorroak baina nirekin bat etorriko zara horrek ez duela zerikusirik eskuartean dugun gaiarekin. Eta gaia da sinismen gaiak iñauterietarako irri, trufa, birao eta laidotzat hartzea ez dela inondik ere zilegi. Badago aneika gai atsegin eta eraikitzaileak zure asmoa betetzeko, hau da: "ondo pasatzea"

J | 2007-02-26 : 15:02

Hi Erramun, orduan zer proposatzen dek, udaletxeko komisio bat kalean ibiltzea bertako mozorroek inor iraintzen ez dutela ziurtatzen? eta prozesio bat ikusten badute, aurtengoa kasu, etxera indarrean bidali?
Benga hi, lasaitu ai eta liberau ai pixkat, karnabalak dituk eta!!

Eneko | 2007-03-01 : 18:03

Nereatik karnabalak earrak! Hala ere zergatik ez dek zezena sansebastianetatik karnabaletako astebukaere horietan ere ibiltzen? Sekulako anbientie egongo uke! Ze gero luze eiten da urte guztiye zezenaikpe...
DISFRAZAN ASUNTUEKIN... Ez diat uste udaletxiek araurik jarri behar dituenik karnabaletan. Hala ere ados natxiok erramunekin, komuniyuen disfrazak eta ama-birjinarenak iraingarriak izan ditukela jende askorentzat -ni barne eta gaztea naiz-. Neurria leku guztietan egon behar dik eta dena ez dek libre... Fedea oraindik oso importantie dek jende askorentzat gure herriyen eta horrekin jolastea ez diat ondo ikusten. Eta asuntoa ez dek azpeitiko karnabalak dituk eta dena libre!!! Eingo diat nik norbaiten amaren parodia? Orduan zer? Berdina dek dena libre baldin bazeok... Edota beste zerbait, zer gertatuko uke norbait De Juana-ri buruzko parodia egingo balu azpeitiyen, edo emakumeen tratu txarrei buruzko parodia bat??? Ez al zeok ba dana libre? Seguru norbait horrela aterako balitz jipoituta bueltatzen dekela etxera!!! ESKUBIDEAK ETA ERRESPETUA DENONTZAT!!!

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu