Garikoitz Etxeberria 'Kafe' Martuteneko kartzelan sartu dute preso

Uztarria.eus | Politika
2007ko ots. 6a, 10:02

Atzo deitu zuen Etxeberriak kartzelatik

Langraiz, Basauri eta Martuteneko kartzeletan sartu dituzte Jarrai-Haika-Segi auziko gazteak

(Urola Kostako Hitza)

Igandean (otsailak 4) atxilotu osteko lehen gaua eta orduak Martutenen pasatu ditu preso Jarrai-Haika-Segi auzian zigortutako Garikoitz Etxeberria Kafe azpeitiarrak. Atzo, 17:45ak aldera jaso zuten Etxeberriaren deia Martuteneko kartzelatik. "Denbora asko ez digute utzi hitz egiten, baina berak esan digunez atzo goizaldeko 03:00ak aldera eraman zituzten Martuteneko kartzelara". Atzo, arratsaldean, hainbat hedabidek esandakoaren arabera, gazteak Langraiz, Basauri eta Martuteneko kartzeletan zituzten preso.

Atxiloketak

Joan den igandean atxilotu zuen Ertzaintzak, Jarrai Haika Segi auziko Garikoitz Etxeberria Kafe azpeitiarra Bilbon. Kaferekin batera, auzian kondenatutako 18 kide atxilotu zituen Ertzaintzak. Espainiako Auzitegi Gorenak terrorista izendatuta urtarrilaren 19tik Ertzaintza euren bila zebilen eta igandean atxilotu zituzten falta ziren 19 kidetatik 18.

Atxiloketak Bilboko Esperantza frontoian gertatu ziren. Jarrai Haika Segi auziaren kondena jasoa zuten gazteak frontoian bildu ziren Batasunako hainbat ordezkari eta gazteei babesa ematera joan ziren jendearekin batera. Ertzaintza bertaratu da eta banan bana atera zituzten frontoitik.

Gazteek, atxilotuak izan aurretik, prentsaurreko bidez dei egin zuten otsailaren 10ean euskal gazteen eskubideen alde egingo den manifestazioan parte hartzera.

Uztarria herri aldizkariak Etxeberriarekin egindako bi elkarrizketak hemen: I eta II. Urola Kostako Hitza-k egindakoa hemen.

Bidali:  

Erantzunak

ErramunAizpuru | 2007-02-08 : 12:02

Berriz gaztedia jipoitua. Hau da edonon entzun dezakegun aiena. Eta ados egon arren, geratzen zaigun bide bakarra egoera deitoratzearena da. Tamalez. Eta gure adiskidetasuna adieraztea agungo espetxeetako egoera jasanezina nozitu behar dutenei. Atzo bertan entzun ahal izan nuen Euskal Irratian nolakoa den estatu osoko espetxeen egoera eta entzutearekin batera azkor azkor jarri zitaizkidan ileak eta, horrekin batera berriki sartu dituzten gazteekin gogoratu nintzen. Izan naiz behin baino gehiagotan Langraitzko espetxean lagun bati ikustalditxoren bat egitera eta zenbat eta hurbilagotik ezagutu egoera hainbat eta larriagoa ikusten da zinez. Jakin dezatela espetxeratu berriak hemen nautela nire laguntza luzatzeko gertu naukatela ezer egin badezaket. Ondo ezagutzen ditut martuteneko Patxi Mugerza zein Jose Miguel Medina eta entzimen osoz hurbil daitekela "KafeĀ· haiengana nire izenean zerbait egin badezakete egingo bait dute. Eta denontzat, besarkada bana

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu