Mugikortasunaren diagnostikoa egin du Iraurgi Lantzenek

Urola Kostako Hitza | Besterik
2006ko ira. 26a, 15:09

Gipuzkoako Foru Aldundia, Jaurlaritza eta Urola Erdiko sei Udalak Mugikortasun Iraunkorraren Plana osatzen ari dira (Urola Kostako Hitza)

Urola Erdiko garraio publikoaren eskaintza ere aztertu dute.  Argazki originala

Iraurgi Lantzenek Urola Erdiko Mugikortasun Iraunkorraren Planaren diagnostikoa egin du. Plan horren helburua pertsonen herririk herriko mugikortasuna erraztea da.

"Plan hori egiteko orduan Gipuzkoako Foru Aldundiak, Eusko Jaurlaritzak eta Urola Erdiko sei udalek Azpeitia, Azkoitia, Zestoa, Aizarnazabal, Beizama eta Errezil parte hartu dute", dio Jesus Agirre Iraurgi Lantzeneko zuzendariak.

Hasieran, Urola Erdian pertsonen mugikortasuna nolakoa den aztertu dute. Hor hainbat gauza izan dute kontuan: "Eskualdeko herrien arteko mugikortasuna nolakoa den; gure eskualdeak Gasteizera, Bilbora eta Donostiara zer-nolako mugikortasuna eta azpiegiturak dituen eta, azkenik, eskualdeak kanpokaldeko errepide nagusiekin zer lotura dituen".

Batetik besterako mugimenduak zerk eragiten dituen ere aztertu dute: lana, ikasketak, aisialdia, kultura... "Horrez gain gaur egun dagoen eskaintza ere aztertu dugu. Aintzat aurren-aurrena garraio publikoa hartu dugu, gero elkarrekin egindako garraioak, ondoren garraio alternatiboak eta azken-azkenik autoan egindakoak".

Diagnostikoa egina daukate, orain hurrengo lana hori aukeztea izango da, eta Plana martxan jartzea. Dagoeneko, mugikortasunarekin lotutako hainbat ekimen aurrera eramaten ari dira udalak. Esaterako, Azpeitiko Udala herri barruko garraio publikoa jartzekotan da.

Aurrera begirako asmoa, berriz, Urola Erdian mugikortasunaren bulego bat jartzea da.

Diagnostikoa (Ateratako ondorio batzuk)

Iraurgi Lantzenek Urola Erdiko Mugikortasun Iraunkorraren Planaren diagnostikoa egin du. Azterketan ateratako ondorioetako batzuk hauek dira:

Garraio publikoa. "Urola Erdian garraio publikoa eskasa eta gaizki antolatutakoa da".
Geltokiak. "Garraio publikoaren geltokiak ez daude ondo".
Ohitura. "Ez dago ohitura handirik garraio publikoa erabiltzeko".
Informazioa. "Mugikortasunari buruzko informazio gutxi dago".
Kultura. "Autoaren kultura nagusia da".
Trena. "Trenik ez dago".
Mugimendu nagusienak. "Pertsonak batik bat Azkoitia eta Azpeitia artean mugitzen dira, hor mugimendu handia dago. Batik bat eskola orduetan eta industria guneetan".
Bizikleta. "Bizikletan ibiltzeko tradizio handia dago".
Industria. "Industria industriaguneetan kontzentratuta dago".
Distantziak. "Urola Erdiko herrien arteko distantziak txikiak dira".

Bidali:  

Erantzunak

esango nuke | 2006-09-26 : 16:09

hori lehen e bagekinun. Pixket parreurie emateu zuen diagnostiko horrek...

garraio gehiago orain!!! | 2006-09-26 : 16:09

ta konklusio edo diagnostiko hori ateratzeko hainbeste buelta?hori danok ederki dakigu. Bilbora joateko arazoak. Donostira joateko garraio "pribatua". Eta gazteizerako batez. Hau hiriburuei begira. Beste herrietara joateko....hondik eta okerrago

Autobusak eta bidegorriak ya! | 2006-09-26 : 17:09

Ondo aspertuak gaude hainbeste azterketa, prentsaurreko, galdeketa eta proeiktu. Autorik gabe ezin dugu bizi, ez dugu bidegorri metrorik, transporte publikoa azken ehun urtean eskasena. Esplikaziyo gutxiyo eta hasi zerbait egiten, mesedez!
Honek adar jotzea ere badirudi eta dagoeneko.

2a naiz | 2006-09-26 : 18:09

Eske benetan, letu ta letu ta zuen diagnostikukin lertzen ai naiz. Barkau, baino zemat lan ordu ber izen dituzue ondoriyo hauek ateatzeko?
Diagnostikuk eta letxiek, garraio publiko gehio ya!

prezioak?! | 2006-09-26 : 19:09

azpeiti-azkoitia autobusien eittie, 1,05€, ez al da garesti?

ane | 2006-09-27 : 08:09

bi pausoa daukagu zumaia, eta han bai ordu-erdira Donostiara trenak autobusak eta abar, eta hemen barruan enpresa pribatu baten eskuetan, beraien era antolatuta dena, jai eguna iristen denean zerbituek murrizten dituzte erdira baino gehiago, lotsarik ez dute garraio publikoa erabili behar dela ezan eta guk azpeitiarrok aukerarik ez

Begoña | 2006-09-27 : 13:09

Foru Aldundiak, Jaurlaritzak eta Udalak badaukate zer egina. Azpeitiarrok, garraio publikoari dagokigunez zeharo atzeratuta gelditu gara. Donostiara joateko enpresa pribatu baten menpe gaude, garestitik aparte, asteburuetan zerbitzua zeharo murriztuta gelditzen da. Bilbora eta beste hainbat lekuetara joateko berriz, ia ezer ez daukagu.
Diferentzi ederra daukate, Zumaitik- Donostiara bitartean bizi diren biztanleak, trena baitaukate ordu-erditik ordu-erdira, eta nahiko merkea gainera.Guk, aldiz, gehienetan autoa hartu behar leku askotara joateko. Ia behingoz, diagnosiak ondo egiten diren, zeren, <garraio publikoa erabiltzeko ohiturarik ez dagoela>, esatea, ez da zuzena.

Garraio publikoa azpeitiarrontzat? | 2006-09-27 : 17:09

Eta erabilikodiau?.Bakarrik zekiat,nik hala beharren ibiltzen naukela eta egia esan...........ikusten dudanez azpeitiarrak autoa diagu maite,akaso aundikeriagatik,akaso garraio publiko faltagatik?.Nere ustez lehenengoagatik.
Gure lantokira autobusa egunero 7:45 tan iristen dek Azpeitik 7:30tan irtenda,hemen(Azkoitin) azpeitiar pilla,baina autobusean.....ikasleak,gureakeko langileak,ni,eta beste bakarrenbat.........

pili | 2006-09-28 : 12:09

eta ez daukagunolk zer mobitu beharr dugu ipurdiye?

Ion | 2006-09-28 : 12:09

Arrazoi,azpeitiarrak nayo BMV moitu.

Piliri | 2006-09-28 : 14:09

Autostopien jarri,eta seguru azpeitarranbatek BMW soragarri baten emangoau,hik esandako tokira.

Piliri | 2006-09-28 : 14:09

Autostopien jarri,eta seguru azpeitarranbatek BMW soragarri baten emangoau,hik esandako tokira.

Pili | 2006-09-28 : 14:09

Autostopien jarri,eta seguru azpeitarranbatek BMW soragarri baten emangoau,hik esandako tokira.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu