Enpresa eta erakunde publikoek Elegune aurkeztu dute

Urola Kostako Hitza | Euskara
2006ko ira. 25a, 15:09

Azpeitiko enpresetan euskara planak garatzeko balioko du eta bertan herriko hamar enpresak parte hartuko dute (Urola Kostako Hitza)

Elegune gune teknikoaren aurkezpena, ostiralean udaletxean; herriko hainbat enpresetako ordezkariek parte hartu zuten bertan.  Argazki originala

Elegune, herriko enpresetan euskara planak garatzeko gune teknikoa aurkeztu zuten ostiral arratsaldean udaletxean. Julian Eizmendi Azpeitiko alkatearen esanetan, "Elegune, enpresen hizkuntz kudeaketara zuzenduta, Euskal Herrian martxan jarriko den lehen gune teknikoa da; aitzindaria". Enpresei eskaera bat ere egin zien, euskarari "merezitako arreta emateko".

Enpresek enpresentzat egin duten proiektua da Elegune. Azken bost urteotan herriko bost enpresak (Biele, Zubiola, Danona, Glual eta Antzibar) proiektua definitzen jardun dute Udal Euskara Patronatuarekin batera. Horietako bi enpresak, Bielek eta Zubiolak, euskara plana martxan ere jarri dute. Bielen "euskara hizkuntza naturala" dela nabarmendu zuen Luis Juaristi Bieleko zuzendaritzako kideak: "Ahozko komunikazioan euskara da nagusi, eta orain Elegunek idatzizkoan euskararen erabilera gehitzen lagunduko digula espero dugu. Euskara indartu behar dugu eta horixe nahi dugu". Zubiolako kudeatzaile Mari Angeles Amenabarren esanetan, "Zubiolan, euskara enpresa prozesuan giltzarri moduan txertatzea erabaki dugu. 2010ean euskara Zubiolako lan hizkuntza izango da".

Azpeitiko alkateaz eta Zubiolako eta Bieleko ordezkariez gainera, Joxe Joan Gonzalez Txabarri Gipuzkoako Ahaldun Nagusiak, Patxi Baztarrika Hizkuntz Politikarako sailburuordeak eta Andres Urrutia Euskaltzainburuak parte hartu zuten Eleguneren aurkezpenean. Baztarrikaren esanetan, Bieleren eta Zubiolaren adibideak salbuespenak dira eta erabileraren erronkari erantzuteko egiteko asko dago.

-Berriako albistea.

Bidali:  

Erantzunak

AZPEITIARRA | 2006-09-25 : 19:09

etz bakarrik Biele eta Zubiolako ordezkariyek jun al zien? Baiño ez al daude ba este enpresa batzuk oaindal bsot urtetik ekimen berdiñekin? EZ al zan adibidez Glualeko ordezkariyeik jun? eo danonakua? Danak dakebes eskubide berdiñe aurkezpen hortan eoteko!!!

Danonaku | 2006-09-25 : 21:09

Danonakue!!!! Tia tia tia!!!

itsaso | 2006-09-26 : 20:09

ea ba enpresa horien erduradunen edo ordezkarin izenak ematen dituen batean batek. lehengo galderarekin ados ango denak daukate eskubide berdiña berain enpresaren izena eta ordezkariaren izena azaltzeko
ABER BA ENPRESA HORIEK!!!!

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu