Iraurgik ez du EBA Ligarako multzorik

Urola Kostako Hitza | Kirolak
2006ko uzt. 21a, 10:07

Multzoen banaketa atzeratu egin dute, hiru taldek errekurtsoa jarri ondoren

2006-2007 denboraldiko lehen partida irailaren amaieran jokatuko dute (Urola Kostako Hitza)

Lan Mobel Iraurgi taldeak EBA Ligan jokatuko du aurten.  Argazki originala

Lan Mobel Iraurgi saskibaloi taldeak oraindik ez daki 2006-2007 denboraldian zein talderen kontra jokatuko duen EBA Ligan. Izan ere, Kanariar Uharteetako hiru talde sartu dituzte Iraurgirekin batera A taldean, eta kanariarrek errekurtsoa jarri diote Kabildoari gertuagoko taldeez osatutako multzoan sartzeko eskatuz. Ondorioz, atzo, osteguna, kaleratu beharreko denboraldiko egutegia lau egunez atzeratu du federazioak.

Iraurgik beste 15 talderekin batera jokatuko du datorren denboraldian. Errekurtsoaren erabakia kontuan izan gabe, Asturias, Avila, Bizkaia, Kantabria, Galizia eta Zamorako taldeekin jokatzeaz gain, Kanariar Uharteetako beste hiru talderekin neurtuko dira Iraurgikoak. "Kanpoko partidak jokatzeko 15 irteeratik 7 Galiziara izango dira. Gainera, Kanariar Uharteetara hiru aldiz joan behar badugu, horrek aurrekontuan sekulako eragina izango du", gaineratu dute Iraurgikoek.

Denboraldi hasiera

Irailaren 10ean hasiko da EBA Ligako aurredenboraldia. 2006-2007 denboraldiko lehen partida, berriz, irailaren amaiera aldera jokatuko dute Lan Mobel Iraurgikoek.

Bidali:  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu