Iraurgiko alebin mutilak futbolean Gipuzkoako txapeldun

Uztarria | Kirolak
2006ko mai. 31a, 10:05

Iraurgi Ikastetxeko taldekoak aurreko larunbatean Urnietako Egape taldearen kontra irabazi ondoren Gipuzkoako txapeldun dira

Iraurgi Ikastetxeko alebin mailako mutilak futboleko Gipuzkoako txapeldun dira.  Argazki originala

Iraurgi Ikastetxeko mutilen alebin mailako taldeak futboleko Gipuzkoako txapelketa irabazi zuen pasatu den larunbatean. Neurketa, Donostian jokatu zuten Urnietako Egape Ikastolakoen aurka. Partidan 1-1 egin zuten, eta txapelduna erabakitzeko penaltika jokatu zuten; 3-2 gailendu ziren azpeitiarrak. Mikel Aizpitarte eta Jon Camposek entrenatzen dituzten mutilek "partida gogorra" jokatu zuten. "Duela lau urtetik entrenatzen dugu taldea eta aurtengoa azken urtea izan da. Taldeak jokatu dituen partida guztiak irabazi ditu; oso talde ona da" dio Aizpitartek

Iraurgi Ikastetxeko alebinen talde honek, futbolaz gain saskibaloian ere jokatu du denboraldian, eta Gipuzkoako finalera iritsi dira kirol horretan ere. Baina bi finalak jokatu ezin zituztenez, gaztetxoek futboleko finala jokatzea erabaki zuten, Gipuzkoako txapelketan nagusituz.

Bidali:  

Erantzunak

Saskibaloien? | 2006-05-31 : 18:05

Lehenik eta behin ZORIONAK talde guztiari. Ta Bigarrenik, talde honek, Karmelo Etxegarai taldeari utzi zion Gipuzkoako saskibaloi txapelketa jokatzen, bietan ezin izango zuelako joaktu batera,eta han Karmelokoak izan ziren garaile orain bi aste.
Hortaz bi taldeei ZORIONAK bigarrengoz.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu