Pakistandar bat Errezilen morroi

Oihana Elduaien (Berria) | Gizartea
2006ko mai. 27a, 17:05

Lanera etorri zen Tauqeer Abbas Pakistandik. “Langile fina” da, eta “ederki” moldatzen da Añoia baserrian.

Tauqeer Abbas pakistandarra Errezilgo Añoia baserrian bizi da, Gipuzkoan. Morroi dago han, eta etxekoekin zein baserriko lanetan ederki konpontzen da. Hala dio berak, eta hala dio Jose Inazio Azpillaga baserritarrak ere. Ezagun dute. Giro ona nabari zaie.

Esne behiak dituzte Añoian, eta han ibiltzen dira biak, abereak zaindu, belarretara joan... “Badakizu, hemengo jiran, tokatzen dena egiten!”. Biak buzoa jantzita azaldu dira, lanerako prest. Horretaraxe etorri zen Abbas Euskal Herrira, lanera. “Pakistanen lana egon badago”, dio, “baina baldintzak txarrak dira. Lan asko egin behar da, eta ordainean ematen dizutena huskeria da. Hango bizi-kalitatea ez da batere ona”. 21 urte ditu orain, eta duela bi urte etorri zen, zer aurkituko zuen oso ondo ez jakin arren. Añoia baserrira iazko apirilean iritsi zen.

“Paperak egiteko garaia zen, eta pakistandar bat baserriz baserri ibili zen langileak eskaintzen”, dio Azpillagak. “Ni langile bila nenbilen, baina hemen inork ez du baserrian lan egin nahi. Beraz, hauekin hasi nintzen. Hasieran bi izan genituen, eta orain Tauqeer geratzen da”. Paperak lortu nahi zituela dio Abbasek. Baserrian lanean hasi aurretik legez kanpoko egoeran zegoen, baina baserrian dabilenetik baditu paperak, eta pozik dago. Lana ez zaio gogorra iruditzen: “Ordu asko dira, baina lasai ibiltzen gara”. Eta egindakoarekin, Pakistanera bidaltzeko dirua eskuratzen du. Hala dio Azpillagak: “Irabazitakoa harantz bidaltzen du”.

Elkarrengana ohitu

Hona ondo moldatu dela dio Abbasek. Ez da hitz askokoa. Azpillagak jarraitu du: “Gurekin, ondo moldatu da, eta gu ere moldatu behar gara beregana. Janari kontuan, esate baterako, hauek ez dute txerrikirik jaten. Bada, orain gure etxean ere ez da txerrikirik jaten”. Gauza batzuetan Abbas aldatu da, eta bestetan, Añoiakoak.

“Oso langilea da, eta ez du aitzakiarik”. Ikasi du baserriko martxa. Eskuareari hartua dio tamaina, eta behi eta txahalak ere ondo menderatuta dauzka. Etxean, berriz, lau urteko Elaia txikia du konplize. “Hark nahi duen guztia egiten dio honi, eta honentzat, berriz, bere jostailua da”.

“Etorri” esan dio Azpillagak. Euskaraz dena ulertzen du. Errezilen beharko ikasi! Baina hitz egiteko ez da gai. Euskaraz eta gaztelaniaz komunikatzen dira elkarrekin. Baserrian ari da bi hizkuntzak ikasten. Hala ere, aurrena gaztelania ikasi nahi du: “Gero ikasiko dut euskara”.

Errezilera apenas jaisten den. Azkoitian ditu lagunak, pakistandarrak, eta haiengana astero joaten dela dio. Azpillagak ezetz: “Nik esaten diot kalera joateko, baina ez da beti joaten, ez da astero ateratzen”. Errioxan ere baditu lagun batzuk, eta haiei ere egiten dizkie bisitak. Hura urrutiago dagoenez, joaten denean hiru bat egun pasatzen ditu.

Sustraiak Pakistanen ditu, eta pare bat urte barru-edo hara joatekotan da. Baina bueltatzeko. Hemen ikusten du bere burua “beti”, edo denbora luze batean behintzat bai. Izango du euskara ikasteko astia.

Bidali:  

Erantzunak

Eta zer? | 2006-05-29 : 21:05

Eta hau albistea al da? Eta oriotarra balitz zer? Langile fina izatea azpimarratu beharra al dago?
Gugatik daude zapalduak eta gainera albiste "kuriosoak" egiten ditugu beraiekin.Nahiko da!

lanik eztaola..... | 2006-05-30 : 12:05

kanpotik datozkigu langileak, bertakoek ez duguna nahi egitera.... Baserri lanak inork gutxik ditu jadanik gogoko...Nolatan irango diagu ba euskaldun?
Basarritik abiatuko da euskaldunon zihurtasuna...bestela herdera nagusituko zaigu...Geure aukera dago.
Nahiago dugu, torneroa edo toreroa izan, geure eskura ditugu, ona besteentzat aukeratzen dugu eta bakoitzontzat nahi duguna.....

abdul | 2006-05-30 : 12:05

Lehenengo iritziarekin gustiz ados nago.
Bailaran 500 inmigrante baino geixo zaudek.
Ordun, 500 artikulu berri atera behar al dituzue?

mustafa | 2006-05-30 : 18:05

batzuk beintzet beti kejan! zeuek eze obeik eztezue iten ta bestien lana kritikau. Hori mixerablie izetie dek, nere herriyen beintzet.

Osama bin Laden | 2006-05-30 : 18:05

Aurrekuekin ados, hau dek hau kejatzie. Abdul, preparau zak erreportai interesante bat, ez dek ezerreatiken, bakarriken hire jakinduriye ezautzeko gogue zaukeat, badakik, hasi idazten.

MORROY POWER | 2006-05-30 : 18:05

...preparau beste reportai bat ia zenbat dauden lanik gabe...neri albizte "txorra" bat irutze zait hau, baino ohituta nago Uztarrian orrelakoak irakurtzen

ABDULEN===ERRONKA | 2006-05-30 : 19:05

ORI DUK ABDUL,IK DITUK BARRABILLAK,ETZEOK OLAKORIK AIN URRUNDIK ETORRI ETA BASERRIKO MAIORAZGO ALAJAIÑA,IK DITUK IK KOJINETEAK,ZERA EMENGO GAZTE LERDENAUEK EZ DITUK GAI IRE LANAK EGITEKO,ATXURRA DA SEGA MENDEKO DITUK JAKIN DUDANEZ,ESKUARA ETA ARRAITZA NOLA EZ ETA GAINERA BEIAK BILDU,TXEKORREN GOBERNUA ETA ONDORENGO GUZIAK.EMENGO GAZTEAK YOGOURT ASKO BAINA,ZERA PLOJO XAMARRAK ZAUZKEAGU,GORPUTZ LIRAIÑAK ALEGIA METRO UTSAK BAIÑA ZAILTASUNEAN ANTZU,BIGUNAK KOÑO,LANA URRUTI IKUSI ETA ALAERE IGES EGIN NAIAN.BAZEOK BAI ABDUL ASKOREN BEARRA,

MUSTAPA/ERREXILLEN | 2006-05-30 : 20:05

bejondeikela,lanian gootik saiatzia ondo aurkitzen diat baño aldrebeskerik ein gabe,auzoko neskei ta pakeen utziiek geo errezildar pintorik jaio ez dedin.

Ayman Al Zawahiri | 2006-05-30 : 21:05

Hi Mustapa, oso iritxi xenofoboa eman dek!

abdul berriz ere, alproja batzuei erantzunez. | 2006-05-31 : 09:05

Ignorantziaren aurrean, indiferentzia.
Jejejejejejejejejeje.
Jejejeje.
Jeje.
Je...
Ah, ta beste gauza bat: gora Euskal Herri interkulturala. Rh negatibodunei, zera esan, zuen egunak bukatu direla. Txapie sartzea, beste leku batea.

kanpokoak | 2006-05-31 : 12:05

Gero eta kanpoko gehiago ditugu geure inguruan, eta artikulu horrek hori erakusten du. Gainera, ez da ba oso ohikoa Errezilen Pakistango bat egotea lanean. Ondo Oihana

6.ari | 2006-05-31 : 12:05

Albiste "txorra" horrek Berrian irten zian (jartzen dik hemen), eta Uztarriak sartu webean, Errezilgo gauzak ere sartzen dituelako tarteka

azpeitiarra | 2006-05-31 : 22:05

Ba neri oso ondo iruitze zat albiste hau jartzie,interesantie.

ABBAS/ERANTZUNA | 2006-06-01 : 22:06

xenfoboa esaten dirak,zer motivo duk,ezaizba flipauta egongo,euk onartzen ez dekena besteri uko. Beste batek berriz Abdul alprojatasuna aipatzen dik,nor ote emen benetako alproja,Abdulek erronka gogorra jarri dik gure errian emengo askok ez bezelakoa,aski uste diau esanez gora erri interkulturala eta gañera dotoreago gelditzeko itz orri bost euro jartzen zizkoagu esanez geure baitan ni nauk tipo matxoa,azken baten astoputz baten biurtzen gaituk.Benetako gakoa zegok nor bera zera ori izaten inter......edo zera ori izaten alegia bost euroko ori.....aio pelaio.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu