Jaietarako kalea girotuz

Urola Kostako Hitza | Festak
2006ko urt. 18a, 17:01

Hainbat denda eta salkotik erakusleihoak apaintzen dituzte sansebastianetarako; batzuk danborradako taldeen jantziekin

Helduen danborradako Zokoa elkarteko jantzia eta bandera jarri dituzte denda batean.  Argazki originala

Bihar (hilak 19) da San Sebastian bezpera, eta etzi eguna. Danbor hotsak eta sansebastianetako doinuek hartuko dute 24 orduko jaian protagonismoa. Bihar bertan 700 danbor-jotzailetik gora aterako baita helduen danborradan, eta hauei lekukoa etzi haurrek hartuko diote: 400dik gora aterako dira.

Baina jaiari aurre hartuz eta kalea girotuz, Azpeitiko hainbat denda eta saltokietako erakusleihoetan kolore zuriak eta urdinak dira nagusi. Beste batzuetan, berriz, ohi bezala danborradan irtengo duten taldeen jantziak eta banderak jarri dituzte erakusgai. Elkarteetako arropak bihar arte egongo dira erakusleihoetan, danborradarako jasoko baitituzte danborjotzaileek. Danborrada bukatu ondoren, talde batzuek elkarte atarian jarri ohi dituzte banderak; 24 orduz edukitzen dituzte zintzilik. Behin sansebastian eguna bukatu orduko, jaso egingo dituzte.

Bidali:  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu