Eizmendi alkatearen ustez, "politikan dena ez da zilegi"

Urola Kostako Hitza | Hirigintza
2005ko abe. 30a, 19:12

Udaleko EA taldearen zinegotziek eta Azpeitiko Ikasberri Ikastola eta Leku Eder SA promotorak Esklabetako lur eremuaren inguruaz esandakoaz jardun du gaur alkateak, eta lehen emandako argudioak berretsi egin ditu

Hilaren 15ean, Esklabetako lur eremurako Leku Ederren proposamenaz hitz egiteko lehen agerraldia egin zuen Julian Eizmendi alkateak, eta gaur orduan emandako argudioak berretsi egin ditu, Leku Eder promotorak eta 19. lur eremuko jabeek alkateak aurreko agerraldian ez zuela erantzun esan duten arren.

Argudio guztiak azaldu omen dizkie alkateak Esklabetako lurjabeei. "Beraz, harritu egiten nau haiek egindako proposamenak ez duela erantzunik jaso esaten jarraitzeak. Beste kontu bat da eman zaien erantzuna ez izatea gustukoa". Loiolako Hiribideko eremuaren garapena, "antolamendu egoki eta orekatu baten bidetik" egin behar dela azpimarratu du Eizmendik, "eta irizpideak ez dira beti bat etortzen irizpide ekonomiko hutsekin".

Arauen Berrazterketarako dokumentua Udalaren organoetan eztabaidatu eta onartuko dela gaineratu du eta jendaurrean ere erakusgai egongo dela, "epe horretan edozeinek aurkeztu ahal izango ditu proposamenak".

Etxebeltz-Izarra eremuak, hirigintza arloko araudiak beteko dituela ere azpimarratu du Eizmendik. "Ekipamendu, espazio libre eta abarri buruz bete beharreko araudiak beteko ditu eta udal honi dagozkion aprobetxamenduen kopurua eta helburua ere horretarako eskumena duten udal-organoetan eztabaidatu eta onartuko eta jendaurrean jarriko da".

Urbialde da lurren eroslea

Udala Etxebeltz-Izarra zergatik bultzatzen ari den jakiteko, hor lurren %15 erosi duena nor den jakitea garrantzitsua izan daitekeela esan zuten EAkoek eta Esklabetako lurjabeek. Alkateak hainbat kontu argitu nahi izan ditu: "Urbialde SA enpresari buruz ariko dira, horrek erosi baitizkio lurrak Zubeldia familiari (lur guztien %13). Enpresa horren ordezkari bat (hango langilea dena) nire alderdiko militantea da eta nire ezaguna. Uste dut atera nahi den ondorioa dela Etxebeltz-Izarraren garapena enpresa horri mesede egiteko bultzatu dudala. Jakin behar da erosi duen kopuruaren arabera 14 etxebizitza libre egiteko eskubidea izango duela".

Alkateak aipatu du enpresa horrek aurten ekainaren erdialdera erosi zituela lurrak. "Baina joan den urteko 2004ko amaierarako, hau da, urte erdia lehenago, Etxebeltz-Izarrako jabeek bazekiten lur horietan 320 etxebizitza inguru eraikiko zirela". Urbialde enpresak eremu horretan lurrak erosi aurretik, 2004ko urritik lurjabeekin hainbat bilera egin eta hainbat administrazio erabaki hartu direla azaldu zuen Eizmendik. Eta hartutako erabakiak hedabideen eta udaletxeko iragarki taula bidez jakinarazi direla. "Arau Ordezkatzaileen Aldaketa Puntualaren Aurrerapena, Etxebeltz-Izarra Eremurako, han eraikiko zen etxebizitza kopurua zehaztuta, 2005eko urtarrilaren 17an onartu zen. Erabaki hori jendaurrean iragarri zen udaletxeko iragarki taulan, urtarrilaren 21eko Diario Vascon eta urtarrilaren 24ko Gipuzkoako Aldizkari Ofizialean. Udalbatza osoak 2005eko maiatzaren 5ean hartutako erabakiarekin aldaketa horren hasierako onarpena egin zen. Horren iragarkia udaletxeko iragarki taulan, maiatzaren 10eko Deia eta Gara egunkarietan eta maiatzaren 12ko Gipuzkoako aldizkari Ofizialean egin zen. Ekainaren 23an eman zitzaion behin-behineko onarpena eta gaurko egun behin betiko onarpena jaso zain dago", adierazi du Eizmendik.

"Iruditzen zait bere lurrak saldu dituen jabeak erosle bat baino gehiago ibiliko zuela, beste jabekide batzuek bezalaxe, eta iruditzen zait eskaintza onena egin zionari salduko zizkiola. Nik ezin dut kontrolatu, eta ez da nire lana, zein sustatzaile sartuko diren hirigintza eremu bakoitzaren garapena sustatzera".

Etxebeltz-Izarrako jabeek ere etxebizitza gehiago egin nahi zituztela esan du alkateak, "400 etxebizitzatik gora, baina Udalak erabaki zuen ez zirela 320 etxebizitza baino gehiago egingo han, gehienez 50 etxebizitza hektareako. Eta Esklabetako eremuan ere dentsitate bera ezarri nahi da".

Galdera batzuek ere egin ditu alkateak: "Zuek uste al duzue Arau Ordezkatzaileen Aldaketa hau 14 etxebizitza libre eraikitzeko eskubidea duen enpresa bati mesede egiteko bultzatu dugula? Ez 14gatik ez 1.000gatik ere. Gizarte Zentroa Esklaba aldean egitea defenditu genuenean esan zitzaigun interesak genituela han eta orain, berriz, badirudi beste aldean ditugula eta enpresa horrekin zehazki. Eta bihar, zein beste interes leporatuko zaigu? Era horretako esames eta salaketekin politika mundua gehiago zikintzea bakarrik lortzen da. Politikan dena ez da zilegi".

Bidali:  

Erantzunak

joko zikinari erantzun dio Julianek | 2005-12-31 : 08:12

Eskertsekoa da Julianek erantzutea,Lekueder -Ikasberri eta EAkoei, egin zizkioten jardunei eta
sortu zituen dudei,ez naiz sartzen ondo dagoen etxiek
egitie izarra aldien baiño nahiko garbi ikusten det
zonalde ortan etxiek egitie ez dela an interesatea
konstrutorientzako zeren da konpotik etorri dira lur
zati bat erostera 14 etxe egiteko,¿hamengo promotoreak
zer zarete ohituta asko irebastera ain zuen? ala
dirudi.Julianen aklarazioekin zera geldituda ziurtatuta, lekueder empresaren proposamenaren
atsean zerbait iskutatzen dela,eta nola ezin duten egi guztia ezan, ba anastu nahi ditue beste guztiak.
bestela empreza ori zaiatukozen, AZAUNTZAN egindako etxe oiekin duen arazoa aurrez kompombidera eramaten eta gero egin gustoko duen propozamena,gogorazi promozio ortan, ia danik bi sentenzi judizial aurkako
dituela Lekuederek(Luziano Soraluce),oso izilik eramaten aridirenak ez ditu eta aipatu ere egin orain harte baiño or dauzka.

eusti horri | 2005-12-31 : 19:12

Oso ondo eingok Eizmendi, bejondeikela. Danok dakigun harek enuzkeo firmau zian konstruktorien kontratue.

Loiolabiden etxerik ez | 2005-12-31 : 19:12

Loiolabiden etxeak egitearen aurka nago izan ere non paseatuko dugu etxeak egin ezkero, non aldatuko ditugu porruak, tipulak,... horretarako dagoen lekurik itxurazkoena galduko genuke eta Izarraitz oin guztia zementuz estaliko litzateke. Hemengo jende asko azken zuhaitza moztutakoan, azken arraina harrapatutakoan eta azken zelaia asfaltatutakoan konturatuko da diruarekin bakarrik ezin dela bizi. Eutsi goiari etxeen aurka zaudeten guztiok. Animo.

eutsi horri | 2005-12-31 : 19:12

Oso ondo eingok Eizmendi, bejondeikela. Danok dakigun harek enuzkeo firmau zian konstruktorien kontratue.

mireia | 2006-01-01 : 02:01

zenbat gazte gaude etxerik gabe ,eta gure soldata ez zaigu ematen luxusko etxeak erosteko utzi eztabaidak eta lagundu

espektakulua | 2006-01-02 : 10:01

Hori da espektakulua ar zeratena ematen denok ere.
Oinarrizko eskubidea da etxebizitzaren kontua eta zuek beste interes batzuek dituzue.

Zertako etxe geyo? | 2006-01-02 : 11:01

Lelengo etxiek eiñ eo ez eiñ. Herriye ez dek hazi ta ye etxien erdiyek utzek zeudek. Gaztiek batibat etxeipe, beraz soluziyue sinplie dek, tontuenak e bazekik zein dan. Dauden etxiek ber ditubenan eskuen jartzie besteik ez tek. Ta hori dek nik uste gaztiek eta herritar geyenak nahiko ebena. Eskubideik premizkuenakin ezin dik udalak espekulatzen utzi, eskubidie bermau ber dik, etxie ber dunai etxie ipini.
Herriyen gerue zihurtau, eta ez gaztediye hipotekau, eo hainbeste lur, zoro ta larre ormigoiz estali, ta guzti hori mantentziek duen gastue herriyei bizkarrea bota. Argiyek, bidiek, urek, parkiek, basurek, zemat eta geyo urabanizau ordun da gastu handiyo, berde gutxiyo. Berrezkue balitz, baño herri hau ez dek azi, beraz len kabitzen gitxian da oiñe, ta geore.
Etxe hutsek ber ditubenantzat. negoziyukin ahaztu danok eta herri honen geruekin pentsau, gaztiekin. Kristo inde usten ari bait gaituk gaztegiye eta biziberkoun herriye, herri honen gerue. Diruzaleak kanpora, gazteak aurrera. Txikizioa gelditu!

NOR=CAJERO | 2006-01-02 : 13:01

LOTSAAGARRIA DUK ZEMBAITEN JOERA,ESPEKULATSAILE BEZELA
ARTZEN DIZKIAGU ETA NOR BERE BURUA NORI ITZELA EGITEN DION KONTURATZEN,MOMORRUTAKO MILITANTZIA ZEBILLEK EMEN
AU TA ORI DIONA TA GERO ETXE DOTOREN JABE EDO TA BERENAK DIREN LUR SAILLAK ONDOTXO SALTZEN SAIATZEN DIRENAK,BESTEEK EZ BAIÑA NIK BAI.EURAK JOKABIDE OKERRA
TA MALTZURRA,TA ORI BAI NI GIZONTXO.USTELKERI ASKO EDO
ZENTZU GABEKO JARDUNA.ORRA OR BI GALDERA=1=UDALAK BABESTE ALDU LEENGO KORPORAZIOAREN JARDUNA.
2=ZE JOKABIDE IZAN DU LARRINGO INDUSTRI EREMUAN,LARREKOAN ZENBAT ZIKIKERI,ETA ZERGAITIK BULTZATZEN DU KONTRUCTORA ETA JABEGO TXIKIA BAZTERTU.
ERANTZUNAK NAI LIRATEKE.

ARRAZOIE | 2006-01-02 : 14:01

ALKATEAK ESATEN DU, POLITIKAN DENA EZTALA ZILEGI. ARRAZOI DU ALKATE JAUNAK, BAINA ESAERA HORI EZ ZUEN KONTUAN HARTU BERAK ORAIN 7 URTE, KANDIDATURA "FANTASMA" BATEN BARNE UDALETXERA AURKEZTEN SAIATU ZENEAN.KONTSEJU BAT HOR SALTZAN AZALTZEN DIREN GUZTIEI, KAITON GUTXIAGO AZALDU ETA LAN GEHIAGO EGIN LEGEGINTZALDIA IA BUKATU ZAIZUE ETA IA ENTERATZERAKO....

EZ DUZUE LOTZARIK | 2006-01-02 : 20:01

NOLA DAITEKE HAUTESKUNDETAN BATERA AURKEZTEN DIRENEAN PNV ETA EA ETA GERO BETI HORRELA ALKARRI KAKA EZPLIKATZEN HARRAPATUTAKO ZINEGOTZIEKUN???????

qaaa | 2006-01-02 : 22:01

Eztek zalle. Ikasberriko asko EA-kuek dituk.Ikasberrik lurrek zauzkek esklaba aldin. Beraz ikasberrik hortik dirue nahi dik. Ordun ikasberrik dirue nahi baik eta dexente EA-kuk baituk...EA-k proposamen horren alde eiteik.HEMEN DANA INTERESA ZEOK

ETA KARMELOKUK | 2006-01-03 : 17:01

GAAA, hik lojika asko praktikatzek. Lojika horrekin Karmelon PNVkuek LEPO!!! gainea Alkatiegandik hasita. Beste batzuk ez gintuzke horrela ibiliko, Karmelokuei bezelako eskolatxo berriye ein ezkeo DENON poltxikutik irtendako dirutik, eta Ikasberrikuek berriz bertako gurasun poltxikutik irtendakotik.

Karmelo Etxegarai Ikastolako ikasle ohi bat | 2006-01-03 : 18:01

aurreko onena la hostia dek: bi gauza esangoitxiat: Lelena: "Karmelo" (hik esatekan bezela) publikue dek. Bigarrena: Ikasberri pribaue dek. Ez hasi kejatzen, ta nei etzitek baliyo esatiek Ikasberrikuek EAkuek diela, ta "Karmelo"kuek PNVkuek, ta Haur eskolakuek Karlistak. Hori dana lerdokei bat dek. azpeitin, beti bezela, nahiyo izetek aldemenekuek ta hik berdin pentsatzezuen gauzetaz hitzeitie baiño aldemenekuei hire iritze inposatzen hastie. ta esparru danetan, alderdi danetan.

ezan beharrekoa | 2006-01-03 : 19:01

ikasberriko etxie, egintzen gurasoak kronprometitu zirelako, eta hori aipagaria da, denok ez bagaude hortako prest. baiño urtebete baiño lehen, jarritako dirua itzuli egin zieten,eta kredituz ordaitzen jarri ziren,¿galdera da, nondik ordaintzen dira kreditu oriek', eta erantzuna, besteen bezela diru plubikotik, eta ori da egia gaur egun, batzuei ez guztatu arren.baino lehenengo gurasoei zorionak ez dio inork kentzen, ortako lotzarik ez da eukuber.Baino ortik pentsasie gurasoak ordaindu zutela etxie, koska pizket badago.

Azpeitiko Ikastolako ikasle ohiak 13.ari | 2006-01-04 : 11:01

zeuk esan dezu, Karmelo Etxegarai publikue da, ez ikastola bat. Kilometrotan argi gerau zan zein dan Azpeitiko ikastolie. Hemen errez ai da jendie, nere eskerrik beruenak guri aukera hare emateko burrukau zeben guraso, ikasle eta irakasle guztiyei.

Nun da, eta nortzuk dute arazoa.....trapitxeroak beti... | 2006-01-04 : 12:01

LURRArekin DIRUA nahi dutenek egin, dute arazoa, gaztatu egin dutelako, bainan, dirua asko eta azkar egiteko.
Zein dira: Begira zein jabetu diren eta nola azken urteotan LUR hoietaz. Zein ziren eta zein dira jabeak...
Legeak: balio izan al zuten?...Nortzuk daude lege arazoaz?
Ezkutuarekin buka beharra dago, guztiona baldin ba da.

JULIANI | 2006-01-04 : 13:01

Eskerrik asko gauzek garbi esplikatzeatik, segi holaxe.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu