Hona hemen taldeak eta euren egitarauak:
Azpeitiko Ikastola Karmelo Etxegarai
10:00etan, Azpeitiko Ikastola Karmelo Etxegaraiko ikasleak gabon eskean aterako dira ikastola aurretik.
Ikasberri Azpeitiko Ikastola
10:15ean, Jose Antonio Agirre plazatik irtengo dira Ikasberri Azpeitiko Ikastolako ikasleak. Olentzerorekin irtengo dira, eta kalejira Olazko Amaren plazan amaituko da.
Iraurgi Ikastetxea
11:00etan, Iraurgi ikastetxeko Haur Hezkuntzako eta Lehen Hezkuntzako ikasleak Gabon eskean aterako dira Milagrosa aurretik. Kalejira amaitzean gurasoek prestatutako txokolate jana izango dute.
Erniarraitz Bertsozale Elkartea
08:30ean, Bertso eskolakoek Gabon eskean aterako dira Azpeitiko koartel zaharretik, Amets Arzallus, Jokin Uranga eta Beñat Lizaso bertsolariekin batera. 09:00ak aldera, Landeta auzoan bi taldetan banatuko dira. Batzuk Errezilera joango dira, eta beste taldea Azpeitiko baserrietara eta herritik kanpoko etxeetara abiatuko dira.
Euskal Presoak Euskal Herrira Topagunea
15:30ean, Euskal Presoak Euskal Herrira Topagunea Olentzerorekin batera irtengo da Sanjuandegitik, Jose Antonio Agirre plazatik. 19:00etan, elkarretaratze ixila egingo dute herriko plazan eta espetxeetara gutunak idatziko dituzte.
Julian Barrenetxea Abesbatza
18:00etan Plaza Txikitak irtengo dira abesbatzako kideak. Ondoren Alde zaharreko kaleetan, Olazko Amaren plazan eta Pastorku aurrean kantatuko dute. 20:00ak aldera Plaza Txikira bueltatuko dira.