Garikoitz Etxeberria Kafe behin betiko aske gera daiteke, gaur (astelehena) Espainiako Auzitegi Nazionalak Jarrai, Haika eta Segi ez direla "erakunde terroristak" erabaki baitu eta, zigor eskaeren arabera, Kafek ez lukeelako kartzelara itzuli beharko.
www.berria.info webgunearen arabera, "bi urte eta erdi eta hiru urte arteko espetxe zigorrak ezarri dizkie Espainiako Auzitegi Nazioanalak Haika-Segi auzian epaitutako 24 gazteri; beste lau, berriz, absolbitu egin ditu". Kafek lau urte egin zituen preso, behin-behinean; martxoaren hasieran utzi zuten libre.
Kafek Uztarriari eginiko adierazpenetan aske geldituko den itxaropena erakutsi du: "16 lagunentzako-edo hiru urteko kartzela zigorra eman du. Nik uste, lehen kartzelan egon garenoi eragiten diola horrek, eta, beraz, lau urte egon garenez libre geratuko gara". Hala ere, bere egoera zein izango den galdetuta gauza zehatzik ez dakiela esan du eta abokatuak autoa noiz bidaliko zain dagoela. "Abokatuarekin egon naiz eta autoaren zain dagoela esan dit, eta jasotakoan bidaliko digula".
Balorazioa egiterakoan gustura agertu da, baina "mugatua" egiten du: " Balorazio mugatua egiten dut. Maila politikoan, Segi erakunde ilizitua da oraindik ere, eta horrek ditugun eskubideak murrizten dizkigu, atzerapausoa da. Bestelakoan, sententziak urrats bat adierazten du".
Azkeneko albistea: Garikoitz Etxeberria Kafe-ri hiru urte eta erdiko kartzela zigorra ezarri dio epaileak. Ez dute kartzelara eramango, lehen lau urte barruan eduki zutelako.
Hiru urte eta erdiko zigorra:
Olatz Dañobeitia
Ugaitz Elizaran
Aitziber Carro
Ibon Meñica
Igor Ortega
Amaia Arrieta
Garazi Biteri
Garikoitz Etxeberria
Egoitz Lopez de Lacalle
Aiboa Casares
Iker Frade
Unai Gonzalez
Asier Iñigo Egizurain
David Lizarralde
Asier Otxoa de Retana
Jon Markel Ormazabal
Bi urte eta erdiko zigorra
Aiora Epelde
Gartzen GaraIo
Igor Chillon
Xabier Abasolo
Gorka Betolaza
Arkaitz Martinez de Albeniz
Ainara Frade
Xabier Gojenola
Absoluzioa:
Mikel Ayllon
Patricio Jimbert
Arkaitz Rodriguez
Aitziber Perez
Akusazioa erretiratuta libre geratutakoak:
Maider Alonso
Unai Beaskoetxea
Sonia Jacinto
Amaia Maestre
Gorka Urbiola
(Ekainak 21, 15:00etan): Espainiako fiskaltzak helegitea abiatu du, Jarrai-Haika-Segiko auzipetuei jarritako zigorrak handitu nahian
Atzo, astelehena, jakiranazi zuen Jarrai-Haika-Segi gazte erakundeen aurkako auziaren epaia Espainiako Auzitegi Nazionalak. Auzipetutako 24 gazteei hiru urte eta erditik beherako zigorrak jarri zizkien epaileek; tartean dago Garikoitz Etxeberria Kafe azpeitiarra. Epaian, gazte erakundeak ez direla "talde terroristak" esaten da, baina hala ere legez kanpoko taldetzat jotzen ditu Espainiako Auzitegi Nazionalak. Baina, Espainiako Fiskala den Enrique Molina ez da gustura gelditu gazteen aurka emandako epaiarekin eta "auzipetuei zigorrak handitzeko" helegitea jarriko duela iragarri du.