XXVIII. Udaberriko Argazki Rallyko sariak banatu zituzten larunbatean, Azpeitiko Trenaren Museoan. Helduen mailan lehen saria (120 euro eta Azpeitiko armarria), Anjel Olabarria azpeitiarrak jaso zuen eta 16 urtetik beherako gazteen artean Irantzu Larrañagaren bilduma aukeratu zuten (garaikurra jaso zuen).
Azpeitiko Argazki Elkarteak antolatutako argazki rallya joan den hilaren 3an egin zen Azpeitia-Deba-Azpeitia bitartean. 38 partaidek aurkeztu zituzten argazki bildumak lehiaketara. Sariak banatzeko epaimahaia, berriz, joan den asteartean bildu zen erabakia hartzeko; Azpeitiko Argazki Elkarteko kide diren Xabier Briz eta Enrike Orbegozok eta Ikatza Argazki Elkarteko Alex Agirrek osatu dute.
SARIDUNAK
Helduak
Lehen saria: Anjel Olabarria
Bigarren saria: Iñaki Etxenagusia
Hirugarren saria: Mikel Zengoitia
Herriko lehen sailkatuaren saria: Juan Joxe Agirre
Argazki onenari saria: Jabier Etxeberria
Fototekaren saria: Iñaki Etxenagusia
Gazteak
Lehen saria: Irantzu Larrañaga
Bigarren saria: Iñaki Altuna
Hirugarren saria: Jon Iparragirre