Aranburu Blackburn Rovers taldean nahi du De Pedrok

Uztarria.eus | Kirolak
2004ko ira. 9a, 11:09

  • Donostiarrak Aranburu gomendatu die Ingalaterrako klubeko zuzendariei
  • Esan du "harrituta" dagoela dio azpeitiarrak ez duelako jokatzen

Javier De Pedrok Mikel Aranburu taldekide eduki nahi du. Hala zioen atzo Gara egunkariak ekarritako adierazpenetan.

Antiguotarra Blacburn Rovers talde ingelesak fitxatu du aurtengo denboraldian eta zuzendariei honela esan omen zien: "Jokalari batez iritzia eskatu zidaten eta nik Aranburu nahiago nuela esan nien. Harritu egiten nau ez jokatzeak talde erdia bera denean. Baina hobe horrela, ahal dudan guztia egiten baitut hona etor dadin. Oso ongi hitz egin dut berataz eta zaintzen dabiltza".

Aurredenboraldian reala Ingalaterran izan zen. Reala bai baina Aranburu ez. Horrek ere harrituta utzi zuela diote Gara-n.

Bidali:  

Erantzunak

Uztarriari... | 2004-09-09 : 15:09

Kritika txiki bat: honelako "notiziak" ez zaizkit hemen idazteko modukoak iruditzen. Batetik notizia ere ez delako, De Pedrok Azpeitiar batetaz hitzegin duela eta hemen azaldu behar al du ba? zer da ba De Pedro hori besteak ez direnak? Aranburu edo beste edozein kirolariri buruz hortik zehar hitzegiten den guztia azaldu behar baduzue Uztarria kirol saila sortu beharko duzue. Erremontista batek partidu on edo txarra egin ote duen hainbat aldiz azaltzen da beste medioetan baina zuek ez duzue ezer idazten, Aranburu delako bai? Azpeitiarrenbat "Vueltan" dabil bizikletari eraginez, zergatik ez honen egunerokoaren berri eman? hori gehitxo izango zen, gaurko notizia jartzea bezalaxe.
Bestalde, notizian ez duzue link-ik jarri kasu honetan gara-ra zuzenean sartzeko eta ez dakit presaren kontua den edo zuek ere ez diozuen eman notiziari duen garrantzia, kasu hau bada, zertarako idatzi orduan?

Uztarria | 2004-09-09 : 17:09

Kaixo.
1. Ez dugu Mikel Aranburuz guztia argitaratzen webean: ez haren partiduak, ez haren ohiko adierazpenak... Beste kirolari azpeitiarrekin ere gauza bera egiten dugu, hauek ere gauza ezohikorik edo garrantzitsurik egin ezean. Aranbururen kasuan, gertatzen da Realeko zaleen artean Aranburu eztabaidaren erdian dagoela denboraldiaren hasiera honetan: titular izan behar du-ez. Eta hori dela eta, interesgarria iruditu zaigu De Pedrok esan duena, gogoeta bat delako. Besteetan ere egin izan ditugu horrelakoak: politika gaietan...
2. Arrazoia duzu: ez da notizia hori, iritzi edo gogoeta bat delako. Webean argitaratzen dugun dena ez da albistea; weba ere komunikabide bat delako eta hemen ere, albisteez gain, iritziak sartzen ditugu, elkarrizketak...
3. Ez dugu 'Gara'-ra link-ik egin; berri hori erdaraz zetorren eta saiatzen gara www.uztarria.com-en dena euskaraz jartzen edo euskarazko testuetara bideratzen, Uztarria Kultur Koordinadoraren egitekoa delako hori.
Besterik gabe,
Uztarria

Urruuuti | 2004-09-09 : 18:09

Ba lenenak esan dunakin gustiz ados nao,ikuspuntu oso
ona ikusi diyotelako.Baino gara-i buruzko Uztarrian
erantzune hain zuzen oso idea ona irutzezat,ain zuzen,
erdal prentzara loturarik ez ipintzie euskerie bultzatzeko.
Ta notizi horren buruz,ondo al daon Uztarriak berri hori
ipintzie ala ez ustet Uztarrikuek geiegi conplica zeatela
azalpena ematen,esan nai det,etzeate entidade publiko
bat,pribaue zeate,ordun modu baten sudur puntan ipintze
zazuen berriye eman leikezube,ta esplikaziyoik emanbe.
Ez tao ainbeste konplika ber notizi bat zeba aukera dan
esteko,aba ta punto.
Ta ya notiziyez,nere lelengo reflexiyue da nik flipa
eitetela depedrokin ze ,asteko zein usteu dala
hori aranburu oin bea daon taldea ekartzeko aleginek
eiteko?ze pentzatzeu dala?o entrenadore artu debe?
o taldi erosi du?ustet ez bata ta ez bestie,talde hortako
askenengo tximinue izen da ez takit nola ausartzean
prepotentzi horrekin hitzeitea ta modu ain surrealista
ta ridikuluen,beak influentzi ejekutibue bazaken bezela
Aranburu fitxatzeko.Faborez!
Nahiko lan zakeabe jokalari bakoitzek bere buruekin
arduratzeko,fuolan daon konpetentziyekin beste jokalariyen
karrerak bideratzeko.Ze hitzein ber dik ba horrek?
ze usteik,bean taldeko entrenadorik ez takela kriteriyoik?
Bai,nei re uderan Sabako erregeƱine etortze zitek yatea kontzeju eske.
Aranburu jokalari bat da ta bestie beste jokalari bat,
azken hau nere gustokue bate bate ez tana,oin
talde inglesan dona ain zuzen.
Galdeu al diyobe aranburui ze iruitze zakon taldeko
jokalari-ohi batek espekulatzen ibiltzie bean karrerai buruz.
Pake earra eman dik depedrok,ea an geratzean,eo urrutiyo.

Uztarriari... | 2004-09-10 : 15:09

Kaixo:
1.- Aranburu eztabaidaren erdian omen dago errealzaleen artean, titularra izan edo ez. Bale, ta? Ni hirugarren iritziarekin bat egiten dut, zertarako eman dituzie hainbeste esplikazio? ondo iruditu zaizue eta punto. Niri ez, niri De Pedrok esaten duena Aranbururi buruz ez zait hemen agertzekoa iruditzen. Zuei ezoikoa edo garrantzitsua iruditu zaizue, niri ez. Horrek ez zuen erantzunik behar.
2.- Eskerrik asko puntualizazioagatik, hori ez da notizia gogoeta bat baizik, ez naiz konturatu. Berorrek egingo al dit mesede eta notizia jartzen duen tokian gogoeta jarri? Egia da bai, berori komunikabide bat da non elkarrizketak, iritziak eta abar publikatzen dituen, barkatuko nau berorrek baina horretaz ere ez naiz konturatu...hala ere, De Pedroren gogoeta hori ez zait notiziablea iruditzen, ez Uztarria web gunean azaltzeko modukoa behintzat.
3.- Oso ondo iruditzen zait Uztarria kultur koordinadorak bere sorreratik duen euskararekiko politika. Horren bila genbiltzan euskalzaleak ta lanean gogor jarraitzeko animoak bidaltzen dizkizuet.

Pello | 2004-09-11 : 11:09

Neuri irakurtzeko modukoa iruditu izan zait Aranbururi buruz esaten duena De Pedrok. Azpeitiyen bertan jende asko ari da Aranbururen kontuaz hitzegiten. Ez zait iruditzen orduan tokiz kanpo dagoenik albiste moduan ematen den gogoeta hori.

ponemo | 2004-09-11 : 20:09

Aranburuk Athletikea jutie hobie dik, han geyo estimakoiabe ta.

Anoeta animatzea jutean gutxitako bat | 2004-09-12 : 18:09

azkenekuek arrazoi, ta okerrena dek athletikea juteanien Anoetako "afiziyo" horrek "traidore" ta zeoze gehiyo esangoiyola.
Aupa Mikel

Atzo ere... | 2004-09-13 : 12:09

Atzo ere Aranburu titular, eta gehiago: atzo ez zuen batere jokatu. Zerbait pentsatzen hasi behar du.

zer zarete? | 2004-09-13 : 14:09

Aranburun gurasoak? berak ikusiko du zer egiten duen jokatzen ez badu ere. Badirudi hemen guztiek dutela Aranbururen lekuan jarri eta hau edo hura egin beharko lukeela esateko eskubidea. Hainbeste kostatzen al zaio jendeari Aranburu pakean uztea? Batean juerga egin duelako, bestean ez duelako jokatu eta alde egin beharko lukeelako, hurrengoan ez dakit zergatik...
Utziozue lasai bizitzen mutillari!!!

10.ari | 2004-09-13 : 15:09

Hi, barkatu, baina guk ez gaitun/k sartu bere bizitza pribatuan (juergena aipatu dun/k eta).

10.nak arrazoi | 2004-09-14 : 14:09

Arrazoia daukak, baina nahiko zaila badek berataz ez hitzegitea Uztarriak berak De Pedro delakoaren "gogoetak" publikatzen baditu. Uztarriak lerdokei hau publikaute jendik ze idatzi ber dik ba?. Ez ote zaigu hain maitea dugun web hau euskarazko salsa rosa bihurtuko? ez komeni.Hontan denborie galtzen eoti re!!

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu