Aitor Aranguneri

Eneko Ibarguren, Iker Salegi, Mikel Labaka, Oier Letamendia, Jon Arrue, Jokin Uranga, Aitor Otaegi, Xabier Zuazolazigorraga eta Josu Urbieta. Gazte auziperatuak. | Iritzia
2004ko uzt. 12a, 10:07

  • Aitor Aranguren Uztarriako azken zenbakiko artikuluari erantzunez.

Herriko 9 gazte bosna urte gartzela arriskuan gauden honetan, idatzi duzun artikulua ezer aportatzen ez duen probokazio gaizto bat baino ez delakoan gaude. "Gazte" hitza aipatu gabe herriko gazteek egiten dutenaz ari zara. Asteburuetako hainbat gertaera eremu politikoarekin nahastuz eta mamuen gaineko komentario ironiko batekin amaituz.

Baina nork ez ditu kartelak atera gure herrian? Nork ez ditu manifestazioak egin?

Ikusi omen dituzu irainak pegatinetan, erreketak eta bestelakoak. Nonbait ez dituzu ikusi (ez dituzu aipatu behintzat) kolore guzietako txakurrek egurtutako gazteak, jarraipenak, mehatxuak, eguneroko identifikazioak, manifestazioetan parte hartzeagatik milaka eurotako isunak, 300 gaztek okupaturiko gaztetxearen itxiera armatua, gazte lokalaren arazoan etengabeko gezurrak, hainbat gazteren etxe aurreetan egoten diren kotxe "bitxiak", eta aspaldian hain ugariak diren gazteon aurkako epaiketak. Alde batekoak soilik ikusteko aurpegi galanta duzue batzuok oraindik ere.

Gazteotaz ari zara, eta guk galdetzen dizugu: Zer egin duzu zinegotzi egon zaren 4 urteetan herriko gazteon arazoak konpontzeko? Zer egin duzu gazteok etxebizitzak eskuragarri izan ditzagun? Zer egin duzu herriko hainbat eremutan bizi dugun lan prekaritate egoerarekin amaitzeko? Zer egin duzu gazteok gure kabuz antolatu, gure ekimenak aurrera atera eta elkar komunikatzeko eskatzen dugun lokalen arazoa konpontzeko? Zer egin zenuen, Kafe, gazte erakunde bateko kide izateagatik atxilotu eta herritik urrun gartzelaratu zutenean?

Luze hitz egin genezake herriko gazteez, gazteek egiten dutenaz, zure alderdiak egiten duenaz eta zuk udal ordezkari moduan lau urtean egin duzunaz.

Dena den, ez ahaztu, ihauterietako gertaeren ondoren hasi zen muntaia guziak Azpeitiko Udal Gobernuaren babes osoa izan zuen haseratik (zurea barne), komunikabideak erabili zenituzten gu epaitzeko,zuen laguntzaz hurrengo egunean bertan izan ginen epaituak, eta gero etorri dira gerokoak. Hemerotekan begira zenezake, Azpeitiko EA-k eta EA-ko zuzendaritzako kideek bota zituztenak gogoratzeko. Eta guzi honen emaitza ondorengoa: 9 GAZTE GARTZELA ARRISKUAN.

Erraz hitz egiten da gazteetaz bulegoetatik, batzuek orri zuriaren aurrean zarete ausartak, eta indarra ahoan duzue, soberan. Besarkadarik gabe, agur.

Bidali:  

Erantzunak

Zuekin | 2004-07-08 : 11:07

Ni ez naiz hain gaztea baino zuekin nao. Ea Arangurenek galdera horiei erantzuten dien???
Hemen epaituak izan behar dutenak poltronetatik hainbeste promesa egin eta batere betetzen ez dituztenak. Hauei isunak, beste danon sosekin jolasten dutenak!!

Bat | 2004-07-08 : 11:07

Azpeitiko gazteez hitz egiten duzuenean, azpeitiko gazte "batzuez" hitz egin beharko zenukete. Hala ziur zaudete azpeitiko gatze "guztiak" zuen ekintzekin bat datozela?

Aupa gazteok! | 2004-07-08 : 12:07

Egoera latz honetan nire elkartasuna adierazi nahi dizuet. Eta ados nago, artikulua probokazioa hutsa da.

Lehenengoari | 2004-07-08 : 12:07

Aupa!Nik behintzat ez dut irakurri Azppeitiko gazte guziak zerekin bat dauden dioen ezer. Gazteen arazoetaz aipamen batzuk egiten dira, orokorrak, eta gero zehazten da Azpeitiko gazte batzuek jasaten dituztenaz. Beraz ez saiatu mesedez eztabaida beste norabait bideratzen. Besteri gabe, ongi izan.

Irati | 2004-07-08 : 14:07

Ez naiz Azpeitiarra, baina artikulua idatzi ostean ondorio bakarrera iritsi naiz: astakeria galanta eta denbora galtze bikaina egin duela hori idatzi duenak. Besterik gabe, irakurtzeak merezi du kritikatzeko. Bestetik, Azpeitiako gazteei doakie aupada bero bat eta animoak Mamuei!!!!
Azpeitiako gazteak aurrera!!!

MIKEL ARREGI | 2004-07-08 : 14:07

Aitor Arangurenek idatzi duen artikuluan handiuste planta handia erakusteaz gain, nire ustez ironiaren erabileran ez du batere asmatu. Eskubidea du nahi duena esateko. Baina baita guk ere erantzuteko. Eta Aitor, mamuen gaiarekin katxondeo gutxiagoz aritzea ez legoke gaizki. Guztiok dakigulako gai hau urrunegi joan dela. Guztiok dakigulako gazte hauek zigorrik ez merezi arren, kartzeleratzeko arriskuan daudela. Bai, Aitor, hik ere badakialako, egun hartan gertatutakoa ikaragarri manipulatu zela; ez zelako kale borroka ekintza izan, lehenengo kolpeak eman zituztenak ez zirelako gazteak izan; baina hasieratik kale borrokako eraso bailitzan saldu zelako. Jakinaren gainean ez zela horrela izan. Jakinaren gainean gazte hauei gainera etor litzaiekeena latza zela; izan den bezala. Eta urrunegi joan da guztia, Udalak, arazoa konpontzea baino, gatazka areagotzea nahiago izan zuelako. Hain bakezale omen direnek, amorruz jokatu zutelako, gorrotoz, ahalik eta min gehien egin nahian. Hain tolerante direnek, ez zutelako ezer egin Gazte Lokalaren auzia konpontzeko (gazteei eskaintza bakar bat ez zitzaien egin, indarrez bidaliak izan ziren Gaztetxetik,...). Eta ez esan posible ez zenik; oraingo Udalak, gutxienez lokal batzu eskaini ditu. Garai hartan, ordea, borondatea falta zen. Eta amorrua soberan, nonbait.
Eta orain, berandu xamar bada ere, gutxienez ez zaurian gehiago sakondu; eta gaur, oraindik ere bada arazo honen eraginak goxatzeko modurik. Epaiketa fartsa hau salatuz, esaterako. Gazte hauei barkamena eskatuz eta laguntza eskainiz, agian. Kartzeleratuak izan ez daitezen neurriak hartuz, zergatik ez. Edo gai honetaz ez katxondeatuz, gutxienez.

Inaki F | 2004-07-08 : 18:07

Gaizto aritu haiz Aitor. Kritikak hutsalak egin dituk irtenbiderik proposatu gabe, eta zuok, politikan ari zaretenok, herritarren zergetatik kobratzen duzuenok, irtenbideak eskaini behar dituzue, kasu honetan, Azpeitiko gazteenak.

Uztarriari (Xabik) | 2004-07-08 : 20:07

uztarria-n azkeneko alien AA-n artikulue irakurri nunien, "dezepziyo" moduko bat eaman nun; ez Aranguren jaunegatik, enulako espero gauza hobeik alderdi hortako jendiegandik. Nere "dezepziyo" txikiye uztarrian holako gauzak irakurtzie izen tzan, baiño oaiñ irakurri detan artikulu honi esker garbi geau da Uztarriak, zentsuriei behintzet kontra argi ta garbi eiteyola. Eskerrikasko.

Uztarria | 2004-07-09 : 11:07

Uztarria.com honetan parte-hartzeko, badira arau batzuk. Konkretuki, hauek dira haietako bi:

  • Pertsona bati buruz ari garenean zehazki, kritikatzeko edo famatzeko, anonimoek ez dute balio.
  • Norbaitek pertsonalki sinatutako iritzi bati, pertsonalki erantzutea dagokio, eta ez anonimoki.

Dudarik ez dago hemengo iritzi batzuk ez dituztela arau hauek betetzen. Horregatik, zenbait iritzi ezabatu egin ditugu.

Aurrerantzean, arauak errespetatu, mesedez.

Eskerrik asko,

Uztarria.com

Aizpuru | 2004-07-09 : 13:07

Guztiz ados, Aitor Arangurenek idatzi dun artikulue probokaziyo bat da. Bakoitzek nahi duena esateko eskubidie dauke baño pertsoniek gaiztue izen ber du benetan holako artikulu bat idazteko.
Bere artikuluen komentatzeu azpeitiko zenbait gaztek bakarrik daudenien burue makurtzebela, ba hemen burue makurtu ber dun bakarra bea dala ustet, lepa tente bat da ta, arro bat. Eta azpeitiko gaztiek burue gora! Eta animo! Batiz bat gazte auziperatuei!

Begoña | 2004-07-09 : 14:07

Hasteko, ez zait ondo iruditzen iritzi batzuk zentzuratzea. Zuen arauak irakurri ditut " errespetu onean; iraindu gabe, doako akusaziorik egin gabe... errespetuan", kasu honetan kunplitu ez duena Aranguren jauna izan da.Harrituta gelditu naiz zaku berean sartzen dituzulako hainbat txikizio eta pankarta, panfleto, manifak eta abar indarkeriarekin lotuta, zuretzako zer da adierazpen askatasuna?
Zaratak aipatu dituzu, orain dela bi asteburu Juantxo-Txikik kanpoan duen txiringitoan txaranga bat egon zan goizeko ordubatakarte, pi ordu pasatxo "pasadobleak" jotzen, lo egin ezinik udaltzaingora deitu nuen eta haien erantzuna "hamabiterdiakarte zutela baimena", bigarrengo aldiz deitu nuen ordubatean eta itxura muniparen bat bertara etorri eta ixildu egin ziran, badakizu zeintzuk ziren txarangarekin zaudenak?, Udaleko-zezen komisiokoak, nonbait zezenak aukeratu ondoren Espainitik etorri berriak ziren eta pasadobleak entzunez afaldu zuten. Kasu honetan "lepo gainean materia grisa zutenak helduak ziren, eta bukatzeko zure bokabularioa erabiliz esango dizut super malaletxearekin lo hartu nuela.

Garikoitz Mendiola AGZ?!-ko kidea | 2004-07-09 : 14:07

Aitor Aranguneri;
Zer nolako erraztasuna duzuen batzuk hitzegiteko,bueno egia esan idazteko erraztasun haundiagoa duzue.Asteburuetan alkoholaren eraginez gertatzen diren
gauzak edozein mugimenduren ( zure gustukoa ez dena, noski) ekintza zein adierazpenekin konparatzen duzu,bejondeizula.
Adibideak jartzen dituzu,asko gainera.Hauetako batean mamuen aipamen bat egiten duzu non ote dauden galdezka.
Badakizu hauetariko 9 kartzela arriskuan daudela zuek babesa eman zenioten muntai baten ondorioz,beraz,
egoeraren larritasuna ikusita isilik egotea hobe zenuke.Beste mamuak berriz lozorroan daude gaur egungo udalak zuek baino borondate gehiago jarri duelako eta gazteon beharrak entzuteko prest agertu delako.Izan ere,zuek agintaldian egon zinetenean gazteon beharrak entzuteko borondaterik ere ez zenuten jarri eta bidean gainera,zuen trensneria erabiliaz,ahalik eta oztopo gehien jartzen saiatu zineten.Egoera jasanezin hark esnatu zituen bere garaian gazte lokalaren mamuak lozorrotik eta ez beste ezerk!!
Bukatzeko esan bakarka eta gantzontzilotan ezer ez diren supergizonak bi hiletik behin aldizkari bat aprobetxatuz argudiorik gabe edozer idazten dutenak direla.Besterik gabe, egun eguzkitsu batean kalean ikusiko garelakoan agurtzen naiz.

epa | 2004-07-10 : 12:07

Neire etzat ondo iruitu artikulo batzuk zentsuratzie. Egiye da aitorri buruzko komentayuek iteziela anonimatotik baino errespeto minimo batekin idatzitakuek zien beintzet.

epa | 2004-07-11 : 15:07

Lehenengo parrafue idazteakuen nik aitorri arrazoie emateyot, ados nao beakin, baino politika kontueatik iteun baloraziyue patetikue iruitze zat. Indarkeriye ibiltzeben lelenak ertzainek die.

Atzo | 2004-07-11 : 19:07

Atzo bertan ikusi genituen ertzainak Oihaneren familiartekoaen aurka oldartzen, indarrez.Alkola eztakit edango zuten, baina hauts magikoak ziur sartu zituztela.

Poor Aranguren! | 2004-07-12 : 10:07

Arangurenek betikoa egin du, eguneroko bizimodurako salagarriak diren zenbait jarreretatik abiatuta, botereari egindako edozein kritika egurtu, azken batean indarkeriarik handiena (botere era guztiena: poliziarena, bankuena, espekulatzaileena aipatu agbe utzi). Memoria ahula du gainera: EAk ez du kartelik itsasi kolaz? Ez du pankartarik jarri? Artikulua negargarria da, gaztefobikoa, klasista hutsa, pobrea argudioetan, gaizki idatzia eta nahitara egindako kakanahastea azken batean.Hala ere, uste dut berak erakusten ez duen errespetua merezi duela.

Aitorri | 2004-07-12 : 13:07

Gazte "burugabe" hauek zu baino euskara eta idazkera egokiagoa darabilte. Arrazoiak jarri dituzte mahai gainean, erantzunik oraindik ez dute galderak, eta datu zehatzak. Aitor, batzuok zuk zer esango zain gaude. Heldu bat.

Mamuak eta fantasmak | 2004-07-12 : 13:07

Eta herriko zinegotzi horrek zer egin zituen ba al dakizu? gezurra gezurraren atzetik erabili, ertzainak bidali gaztetxea desalojatzera eta behin eta berriz uko egin gazteekin biltzeari? gero berari ito pasara bat baino gehiago eragin zizkiotela? ados. Baina jar ditzagun mahai gainean arazoaren oinarriak eta bakoitzaren erantzunkizunak.

erdizka | 2004-07-12 : 13:07

Erdizka nitxiok arangurenek idatzitakuekin bat, eta bat mamuek egindako fantasmadakin (patetikuek hituan elkarte batea sartu eta afaltzen hari san herriko zinegotzi baten inguruen bueltaka ikustie; gauze oyek amorrue sortu bezteik eztiabe iten).

Aitor Aranguren | 2004-07-12 : 17:07

Sentitzen dut aurretik ez erantzutea, ezin izan dut tarterik hartu eta. *Bitartean eskatuko nioke Uztarriari
zertxobait gorago ipintzea -iritzia eta erantzunak- web orritik desagertu aurretik. Eskerrikasko*
Txundituta gelditu naiz sortutako iskanbilaz. Txori eta loreez idatzi dezaket eta Azpeitiko kronika arrosa egin ere, baina ni horrelakoa naiz. Ideiak etorri ahala idazten dut, gero esandako batzuekin damutzen banaiz ere.
-Hau tinko erreibindikatu nahi dut: Uztarriak eskaintzen didan tartetxo horretan herritar bat bezela idazten dut (eta ez zinegotzi izana bezela edo orain kargu publiko bezela). Eta hala ere badirudi iritzia ematea ez dela hain erraza. Foru Aldundiko kargua hartu nuenean (Uztaila 2003) Uztarriari planteatu nion tartetxo horrekin ez jarraitzea eta denbora hartzen dudanean berriro planteatuko diet Uztarriako kideei.
-Idatzitakoak ez duela biolentziaren arazoa bere osotasunean eta sakonean aztertzen? Ados.
-Zergatik atera behar diogu denari punta? Zenbat gauza idatzi eta idazten dira aldizkarian eta web orrian. Edo gai batzuk edo sektore batzuk ikutuezinak al dira ba? Zergatik ikusten da probokazioa? Nori?
-Idatzitakoa erdikatxondeoan egin nuen eta ez nuen bela pentsatuko mamuei eginiko erreferentziak honako erreakzioak sortuko zituenik. Eta ez zen nere asmoa gainera.
-Gartzela arriskuan dauden 9 gazteekin ez nuke sekula broma txikiena ere egingo.
-Eta bai egia da, oso gaizki idazten dut eta oraindik ere falta ortografikoekin. Egunetik egunera saiatzen naiz gauzak hobeto egiten. Sentitzen dut.
-Mikel Arregiri gauzak hain serio ez hartzea proposatuko nioke eta Garikoitz Mendiolarekin kale eguskitzu batean topatzen banaiz ea kaso egiten didan (nik ez zaitut ezagutzen) eta garagardo bat hartzen dugun.
Eneko, Iker, Mikel .... Nik behintzat eskua luzatuko nizueke. Adiorik ez

Probokazioa zergatik? | 2004-07-12 : 18:07

Mamuak non dauden galdetzeagatik, jakinik hoietako bederatzi bosna urteko gartzela eskaeraren aurrean daudela epaitegietatik bueltaka.

Herritar bat. | 2004-07-12 : 18:07

Beno, hurrengorako badakizu, idatzitakoa errepasatu. Bestalde, zu herriko ordezkari izan zara 4 urtez, askok hortik ezagutu zaitugu eta normala da horrelako idatzi batean aurrean zuk izan dituzun ardura hoien inguruko hausnaketak plazaratzea jendeak.
Ez dago ikutuezineko sektorerik, baina bai zaindu beharreko katxeondorik. Kritika guziz aberatsa da, baina egin dezagun ikuspegi eraikitzailean, proposamen zehatzekin osatuz.Hain serio ez hartzeko? normala da serio hartzea, kontua ez dago "katxondeorako". Agian zuk ez zenuen zentzu horretan idatzi, baina herritar askok eta askok ulertu du zentzu horretan, zerbaitegatik izango da. Beno, gauza bere honetan uztea ez legoke gaizki, denok dugu zer zuzendua herriko arazoei dagokionean. Beste bat arte.

epa | 2004-07-12 : 20:07

Emen kantzontzillotan ta kale eguzkitsu baten gurutzauta ezer eztin supergizonak, uztarrian artikulo ear hori idatzi zunan alderdiyen aginduta dauden legien zaindariyek die. Hauek beren inderra soldata eder baten truke, enkaputxauta, armauta ta espainiar legien babesien ateatzebe ta hori kobardie izetie ta zipaiuena itie da. Beste hori kontzentraziyotan iñon jazarpenik jaso gabe eotean bitartien, zergatik herritar batzuk ezin deu heriotza baten aurrien gure samiñe azaldu??? gizon armatu baliente hauek zergatik bialtzeitube baliente jende horrek????
Ni konklusiyo batea alleatzenaiz, emen kantzontzillotan da bakarka ezer eztien kobardiek ordenadora bidez hillien bein artikulo prokokadoriek idazteitubenak eta soldata oparuen ordañez politikan dabiltzen jendie dila, ertzainak barne noski. Ta batematzuk balientiek baie, gizon armatuen aurrien beayentzat justue dan gauzie defendatzebenak die, arpeye emanez,nahiz da multa bat edo porrazo bat jasotzeko arriskuen eon.
OHIANE GOGOAN ZAITUGU!!
Oso makabrue iruitzezat heriotzan aurrien "tolerante" jende honek eukitzeun jarrerie, entierrotan kargatzeko barruek dauzkebe ta.







aurreko iritziaren jarraipena | 2004-07-12 : 21:07

hau aitzaki bat da. Guk ere jarri ditzakegu baldintzak, zure alderdia izan baita gure egoitzak indarrez ixtea justifikatu duena, edo hainbat ekintza politiko-juridiko-polizial itsusi burutu dituena edo burutzeko klabea izan dena. Baina Aitor, badakizu, horrela ez goazela inora, herri honetan guztiok guztion beharra baitugu gauzak konpontzeko. Horregatik aurrebaldintza merkerik gabe behingoz konponbide egoki bat bilatzen jarri beharko giñateke guztiok, ezbadugu nahi gatazka beste hogei urterako luzatzea. Baina gatazkaren existentzia ukatzeak edota gatazkaren alde batera bakarrik begiratzeak konponbidea urruntzen du, eta hau ez da herri honek merezi duena. Behingoz bukatu dezagun ametsgaizto honekin, sufrimendu haundia eragiten baitigu.
Pertsona ilegal baten erreflexioa.

biolentziei buruz | 2004-07-12 : 21:07

Aitorrek hainbat indarkeria adierazpen aipatzen ditu bere artikuluan, bankuak erretzea, dendetako kristalak haustea, pegatina iraingariak,.... eta honekin batera manifestazioak eta pankartak ere indarkeri bezela jotzen ditu. Manifestazioak egiteko guztiok askatasun osoa eduki behar dugula iruditzen zait, eta honetan uste dut Aitor ados egongo dela nirekin, egon beharko luke behintzat. Baina aurrekoan (ere) Ohianeren heriotza salatzera irten zirenek indarkeria eta mehatxu egoera jasan behar izan zuten. Hau ez da zuzena, eta ez dago ongi polizia arerio politikoak zapuzteko erabiltzea. Pankartak ere, mehatxuzkoak ez badira eta nik ez ditut horrelakoak aspaldian ikusi, ez dira indarkeria adierazpenak. Bai aldiz Aitorri "ahaztu" zaizkion hainbat ekintza. Ezagutzen aldu torturapean egin ez zuen hilketa bere gain artu zuen emakumearen kasua, bere 3 lagun errugaberekin batera 2 urtez kartzelan egon dena??? Ezagutzen alditu Maider edo Kafe??? Ezagutzen alditu Sara Fernandez edo Leo Esteban??? edo ertzaintzaren kargarik gabe (Balza jaunaren arabera) bihotzekoak jota hil zen Kontxi??? ezagutzen aldu Iñaki Uria, Pepe Rei, Xabier Alegria,......???? Eta honela luuuuuuuuuuuuuuuuuuuuuuzzzzzzzzzzeeeeee jo genezake. Manoli ere ezagutuko du, eta Julia Terceroren berri ere izango du, hau da herritarren borondatearen aurka zinegotzi jarri diren bi pertsona.Aitorren alderdiko eta Julianen alderdiko beste bi "okupak" ere lagunak izango ditu, baina hau ez du indar demostrazio salagarri bezala ikusten. Egin duzuna ez dago ongi Aitor, hemen bortizkeria guztiak hartu behar baitira kontuan. ETAk hildakoak aintzat hartzen dituzte gobernuek, komunikabideek, alderdi gehienek, baina beste indarkerien aurrean, eta ez nolanahiko indarkeriak, itxugogor jarraitzen duzue batzuek. Ezker Abertzalearekin hitz egiteko ETA gaitzestea jartzen duzue baltzintzatzat, baina nire ustez hau a

MIKEL ARREGI | 2004-07-13 : 10:07

Gauza batzuk serio hartzeko modukoak dituk, Aitor. Eta 9 gazte, inongo arrazoirik gabe (borrokan egitea ez zait niri arrazoia iruditzen) gartzeleratzeko arriskuan egotea serio hartzeko modukoa delakoan nagok.
Besterik gabe.

borroka | 2004-07-13 : 19:07

borroka egitea niri ere ez zait gartzelaratzeko arrazoia iruditzen. Are gehiago, hobe luke hemen jendeak (politikutxo merkeek) esku hutsean borrokatu, legearen trikimailu bidez edo beraien txakur zaindariak bidaliz baino.
Ja ha arrivat, es el moment, d'oblidar la lluita pel poder, lluita per la terra!

Garikoitz Mendiola | 2004-07-14 : 10:07

Idatzitako artikulua nolakoa eman duzun erantzuna ere horrelakoxea izan da.Herritarrek egindako galderei ez diezu erantzunik ematen eta nahiz eta herritar bezela idazten duzula esan, zu karguan egon zineneko gertakariei buruzko galderak dira eta uste dut erantzun beharko zenituela.Idatzitakoa erdikatxondeoan omen zegoen egina;ba zure katxondeoko umore hori ez zaio jende askori gustatu."Sektore batzuk ukituezinak al dira ba?" galdetzen duzu eta zu hala ote zaren galdetzen dizut nik.Gai baten inguruan idatzi zenuen eta jendeak horren inguruan daukan iritzia eman du.Uste dut artikuluak merezi zuen iskanbila sortu dela.
Egindako galderei noizbait erantzungo diezulakoan agurtzen naiz.Ah! eta garagardoagatik lasai, beste norbaitekin hartu beharko duzu.

Aitor Aranguren | 2004-07-14 : 13:07

Gai honek ez du gehiagorik ematen.
Batzuk, beraien analisiak egitean ere ez dute arazoa bere osotasunean aztertzen eta ez da ezer gertatzen, badirudi normala dela.Behintzat besteok normaltzat hartzen dugu eta ez dugu ezer esateko.
Beste batzuok berriz garbi ikusten da ezin dugula nahi duguna esan edo gutxienez kontuz ibili behar dugula esaten dugunarekin.
Ez dezagun urrutiegi eraman guzti hau, ez baitu merezi.
Ah! lasai Garikoitz, pena ematen zidak baina ulertzen diat hire jarrera gogor hori.

Ion G. | 2004-07-14 : 20:07

Aitor, egin dezakezun onena publikoki zure akatsa onartu eta barkamena eskatzea da. Polikari on baten bertutea da gaizki egina onartzea, eta ez nola edo hala egindakoa justifikatu nahi izatea.

hau iskanbila!!!!!!!!!! | 2004-07-14 : 21:07

neure ere aurrekoarekin ados nao, egin duzuna edo idatzi duzuna ez duzula ongi idatzi onartzea izango da onena.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu