Mendi Gida aurkeztu da

Uztarria.eus | Kultura
2004ko mai. 25a, 17:05

  • Lagun Onak M.B.-k eta Uztarriak elkarlanean eginiko liburua da
  • 19 ibilaldiren nondik norakoak azaltzen dira

Azpillaga, Izagirre eta Larrañaga aurkezpenean  Argazki originala

Larunbatean aurkeztu zen Mendi Gida Lagun Onak elkartean. Aurkezpenean Lagun Onak M.B.-ko lehendakaria "Maje Larrañaga":http://www.uztarria.com/herri_aldizkaria/2004/47/08mendia eta Josu Izagirre eta Uztarriako Josu Azpillaga izan ziren.

Josu Izagirrek prestatu ditu liburuan agertzen diren ibilaldiak. "Lekuak hobeto ezagutu eta jendearekin tratuan ibilita pasarte ederrak ezagutzeko aukera izan dut" esan zuen Izagirrek.

Azpillagak aldiz, eskerrak eman zizkien Uztarriaren izenean Mendi Gida egiteko helburuan laguntza eman eta parte hartu duten guztiei.

Liburua Azpeitiko eta inguruetako 19 ibilbidez osatua dago. Gehienak 2 edo 3 orduko iraupenekoak dira. Badira 5 edo 6 ordukoak ere.

Liburuak 12 eurotan eskuratu daitezke eta Lagun Onak M.B.-ko edo Uztarriako bazkideek erdi prezioan eskuratu ahal izango dute. Leku hauetan egongo da salgai:

  • Eklipse kulturdendan
  • Martinez inprimategian
  • Iratzar liburudendan
  • Belaetxen
  • Lagun Onak M.B. elkartean
  • Uztarrian
Bidali:  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu