Erdi kaleko sustapeneko etxea eraikitzen hasiko dira

Uztarria.eus | Herria
2004ko mar. 15a, 16:03

  • Iazko ekainetik zozketaturik daude etxebizitza hauek
  • Sustapeneko etxebizitza berriak Enparan kalean

Erdi kaletik Eliz kalera igarotzeko pasabidea zuen etxea bota dute. Bertan, zortzi etxebizitzako eraikina egingo dute, lau erdi kalera begira eta beste laurak Eliz kalera. Pasabidearekin zer gertatuko den ez dakite oraindik, "pasoa jabearen esku dago. Udalak erosi egin beharko du egin nahi bada, beraz ez dago gure esku egin ala ez", esan du Azpeitia Lantzenek.

Sustapeneko etxebizitza berriak

Enparan kalean aspaldi hasi ziren Udal Sustapeneko etxebizitzak egiten. Hauek ere, zozketaturik daude iaztik. Baina orain, amaitzear dagoen proiektu berri bat aurkeztuko dute eta sustapeneko etxebizitza berriak eraikiko dira, egiten ari diren eraikinaren alboan. Azken hauek zozketatu gabe daude baina zozketa aurreko urtean izena eman zutenen artean egingo da. Zozketatik kanpo geratuko dira, etxebizitza tokatu zitzaienak eta ezezkoa eman zutenak ere.

Udal Sustapeneko etxebizitzak egingo zirela esan zuen duela urtebete, orduan alkate zen Jose Mari Bastidak.

Zozketa ekainaren 19an egin zen kiroldegian eta izena eman zutenak ugari izan ziren, 525 lagun hain zuzen. Guztira, 57 etxe zozketatu ziren. Erdi kalean bota duten etxearen lekuan hasiko dira zozketaturiko etxebizitzak egiten, Azpeitia Lantzen Herri Sustapenerako Baltzuaren bitartez.

Bidali:  

Erantzunak

Eskaerie 2n etxien erostailiei ta udalai proposamena | 2004-03-17 : 21:03

2garren exebizitako erostailiek saiau 2garren
etxe bat inbertziyo modun
Azpeitiyen ez erostie ta daukenak pentzatzet une
ona dala saltzeko ta diru irebazteko,ze inbertitzeko
beste lekutan erosita ere negoziyo ona eo obio da,ze
amen dagoeneko ez tao eraikitzeko lurrik ta aldiz etxien
laurdenak herriyen utsik daude,Xanjuandei osue hutzik
eongo balitz bezela,ta hori nahiko egoera limitie da.Contun euki
ze egoerata heldu gean.
Ta bide batez,udalak zeba eztu
hutzek dauden jabe pribauen etxiei eskeintza on bat
iten,saltzeko gogue daukebenantzat bakarrik jakiƱe,
gero sustapeneko etxetan bihurtzeko,olako iniziatiba
moduko bat ona izengo zan eraikitzeko lekuik
ez taon herri batentzat,Azpeitiye bezela

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu