Soreasuk ateak irekiko ditu berriro

Uztarria.eus | Kultura
2003ko ira. 25a, 18:09

Ostiralean irekiko dituzte berriro ateak, eta American pie 3 filma botako dute. Azaroa arte zine eskaintza izango da, eta gero antzerkiaren txanda iritsiko da.

Udalak ez die akordioa lortzeko proposamenik egin oraindik, Soreasuko arduradunei. Hala ere, akordioa lortzeko aukerak badirela uste dute arduradunek.

Zine emanaldiak ostiralean hasiko dira American pie 3 filmarekin. Zine Foruma, berriz, urriaren 10ean hasiko da. Film emanaldiak azaroaren 3an amaituko dira, orduan, antzerkia hasiko baita, Antzerki Topaketak.

Zine forum-eko emanaldiak urriaren 10ean eta 24an behintzat izango dira. 10ean Dolls filma emango dute, eta 24an Lejos del cielo.

Akordiorako esperantza

Soreasuko arduradunek Udalarekin akordioa lortzeko esperantza badute. Hiru bat proposamen egingo zizkietela agindu zien Udalak, hiruren artean erabakitzeko. Urtarrila inguruan akordioa lortuta izateko esperantza daukate.

Bidali:  

Erantzunak

zator | 2003-09-26 : 09:09

Badirudi zinerik gabe(antzerkia edo nahi dena irakurri daiteke) Azpeitiko herri bati ez zaiola gehiegi axola. Egia da , Donostiara joatea nahiko dugu, zenbat herrikide topatzen garen aldi bakoitzean. Zinemaldira ere joaten den jendea ugaria da. Zergatik ote? Dena den Soreasuk duen egoeran agian hobe dagoen bezala utzi eta betiko itxi izatea.

Atzetikan | 2003-09-28 : 11:09

Irikitzea oso ondo dago, baino noizko erreformak? Lotsagarria da Udaletxe honek nola daukan aretoa, Azkoitiko Baztartxokin konparauta azpeitiarrok tercermundistak ematen dugu. Azkoitiko kultur eskaintza ugariago eta hobeago dala argi dago (adibidez antzerki emanaldiak urtean zehar ezkeintzen dira). Nik uste dut hor dagola jarraitzeko bidea, baino horretarako udaletxeak apustu serio bat egin behar du, eta oraindik hori ez du egin.

zatorri erantzunez | 2003-09-30 : 20:09

ez nator bat zurekin, izan ere Donostiara zinea ikustera joate hori MAILA EKONOMIKO JAKIN bat dutenentzat izan daiteke, ez baita merkea autoz Donostiara joan zinea ikusi gozokiren batzuk jan eta etxera bueltatzea. Ni ere zinezalea naiz, baina Donostiara edota Urbilera joate hori oso hotza da eta garestia. Denok ez ditugu aukera berak!

zator | 2003-10-01 : 10:10

egia borobila baina badirudi gehiengoari ez zaiola hainbeste inporta kondizio hobeak direla eta horrelakoak egiten dira.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu