Gimnasiako eta aerobikeko ikastaroak egongo dira uztailean eta irailean

uztarria | Kirolak
2003ko eka. 12a, 16:06

Kirol patronatuaren ikasturtea amaitzear dago. Hala ere, uztailean eta irailean aerobikeko eta gimnasiako kurtso bereziak antolatu dira. Izena emateko epea ekainaren 16an bukatzen da.

Kirol Patronatuak ikasturtean zehar antolatzen dituen kurtsoak amaitzear dira, baina, kurtso bereziak antolatu ditu udarako. Uztailean eta irailean izango dira kurtso berezi horiek, aerobikekoak eta gimnasiakoak. Ikastaro horietan parte hartu nahi duenak ekainaren 16a baino lehen eman behar du izena, igerilekuan edo kiroldegian.

Aipatu ikastaroak urtean zehar egin direnekiko independienteak dira, Kirol Patronatuak jakinarazi duenez, ez dira jarraiak izango. Ordutegi zabala dute ikastaroek:

Aerobikeko ikastaroa igerilekuan eta kiroldegian izango da. Igerilekuan goizez egin ahalko da aerobik: astearte, asteazken eta ostiraletan 9:30ean eta 10:30ean; astelehen, asteazken eta ostiraletan berriz, 13:30ean eta 14:30ean. Kiroldegian berriz, egunero egongo da aerobik egiteko aukera, edo nahiago izanez gero asteartetan eta ostegunetan. Arratsaldez egongo dira aerobik ikastaroak 19:00etan eta 20:00etan.

Gimnasia astearte, asteazken eta ostiraletan izango da, 9:30ean eta 10:30ean. Arratsaldean ere egongo da aukerarik, astelehen, asteazken eta ostiraletan, 19:30ean eta 20:30ean.

Bidali:  

Erantzunak

Jesus | 2003-07-29 : 00:07

oso ondo,eta abuztuan ze gertatzen da,kiroldegiarekin eta igerilekuan,ba zer itxita.
zergaitik eta beste kirolak egiten dutenak zer egin behar dugu

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu