Diarteko ikasleek artelanak salmentan jarri dituzte Boliviako umezurtz-etxe bat laguntzeko

Uztarria.eus | Besterik
2003ko mar. 19a, 10:03

Diart arte estudioko ikasleek eta irakasleak Betharrametako erakustokian euren artelanak salgai jarri dituzte Boliviako umezurtz-etxe bat lagundu asmoz. Egindako aurreikuspenen arabera ekimen honen bidez 2.400 euro lortuko dira. Erakusketa eta salmenta astelehenean jarri zuten martxan, eta dagoeneko hamar koadro saldu dituzte.

35 lan salduko dituzte eta Diego Cruzen artelan bat zozketan jarri dute  Argazki originala

Hogar NiƱos de Santa Cruz de la Sierra umezurtz-etxera bidaliko dute dirua antolatzaileek. Umezurtz-etxe hau Bolivian dago, eta bertako berri udan kooperante joandako ezagun baten bidez jakin zuten. Haien egoera ezagututa dirua lortzeko bide egokia iruditu zitzaien beraiek egindako koadroak salmentan jartzea, eta koadro bilketa amaituta astelehenean bertan jarri zuten erakusketa eta salementa martxan. Guztira 36 lan bildu dituzte, tartean da Diego Cruz irakaslearen lan bat ere. Baina, Diegoren lan hau ez da salmentan jarri, zozketatu egingo baita. Honela, zozketako txartelak bi euroren truke salgai dira Betharrametan.

Erakusketa Betharrametan izango da martxoaren 28a arte, eta epe horretan 2.400 euro lortzeko asmoa dute antolatzaileek, koadro danak salduz gero. Bildutako dirua Boliviara udan bidaliko dute kooperantearen bidez.

Bidali:  

Erantzunak

oso ongi | 2003-03-19 : 12:03

horrelako iniziatibak artzea zoriontzekoa da benetan. Aupa zuek!!!

mundial | 2003-03-22 : 23:03

Oso ondo iruditzen zait eman dezuten pausua, oso ondo iruditzen zait.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu