Azpeitian ezkertiar eta abertzaleen plataforma osatu da

herri plataforma | Besterik
2003ko ots. 27a, 17:02

Hainbat herritarrek osatutako herri plataforma martxan jarriko da larunbatean egingo duten aurkezpenarekin

Agur térdi

Euskal Herria momentu latzak eta historikoak bizi dituela aski ezaguna zaigu guztioi. Herri hau zatitu, lotu eta zapaldu duen egitura instituzionala azken hatsak ematen ari denean, Euskal Herria batu eta askatzeko garaietan gaude.

Baina bidea zoritxarrez arantzaz betea dugu. Bi estatuek Euskal Herria herri baino hilerri bezala ikusi nahi dute. Izan ere badakite Euskal Herriak bere eskubideak gauzatzeko, bere bidea egiteko, aukera historiko baten aurrean dagoela. Honela, etor daitekeenaren beldur, direnak eta ez direnak egiteko prest daude. Begiratu bestela, egunkariarena kasu, Euskal Herriaren alde lanean ari garen herritar zein eragileek jasotako errepresio zaparrada!

Testuinguru honetan kokatu behar dugu baita ere batasunaren ilegalizazio prozesua. Datorren kolpe errepresibo berriarekin, ezkertiar eta abertzale izaera duten proiektu orori ate guztiak itxi nahi dizkiote, baita instituzioetakoak ere. Ezkertiar eta abertzaleon aldarriak, irtenbide demokratiko baten aldeko lan eta proposamenak lurperatu nahi dituzte. Eta hau ezin dugu onartu. Inoiz baino ozenago, ezkertiar eta abertzaleon ahotsa entzun behar da kalean, lantegietan, ikastetxeetan... eta noski instituzioetan.

Ilegalizazio eta oztopoen aurrean bide berriak asmatu, eraiki behar ditugu. Prozesu berri bat egoera berrian eta herrietan oinarriturik. Prozesu berria, zabala eta herritarra ireki behar dugu. Desberdintzen gaituenaren gainetik, batzen gaituenari atxikituz. Eta asko gara. Azpeitian eredu autoritario eta atzerakoien gainetik, eredu herritar eta partehartzailea aldarrikatzen dugunak gero eta gehiago gara. Bil ditzagun aldarrikapen guzti hoiek eta biderkatu ditzagun gure indarrak, harremanak, loturak...!

Ondorioz deia luzatzen dizugu, asmo guzti hauek aurrera eraman ahal izateko, herri plataformaren aurkezpenean parte har ezazun. Guztion partehartzea ezinbestekoa baita bakean eta askatasunean biziko den Azpeitia eta Euskal Herri berri baterako.

Besterik gabe, eskaera kontuan hartuko duzulakoan

Adiorik ez

EGITARAUA

  • 12ETATIK AURRERA TRIKITILARIAK HERRIAN ZEHAR
  • 12´30ETATIK AURRERA HERRI PLATAFORMAREN AURKEZPENA:
    • TXALAPARTA-BERTSOLARIAK
    • AGIRIAREN AURKEZPENA
    • GIZALOGO ERRALDOIA
    • HAMAIKETAKOA
Bidali:  

Erantzunak

elorri | 2003-02-28 : 11:02

Gutunean, nola gauden zapalduk dio eta proiektoei ate guztiak ixten dizkiotela.
Bainan, Zein da proiektoa?
Gaztetxea zer? Adierazpen askatasuna? Eguneroko arazoetaz zer?...e.a.
horrelakoetan gauzatu behar deu. usteiat?

Maite | 2003-02-28 : 12:02

Ados. Kontatutako guztia baieztatzen dut.
Bestalde, galdera bat egin beharra suertatu zait: zein proiektu du herri plataforma berri honek?
Ni lanari ekiteko asmoz eta gogoz nago baina, noski, aldez aurretik taldearen oinarri ideologikoak eta planteamentu argiak jakin beharko nituzkeela uste dut.
Espero dut nire zalatza eta galdera honi erantzuna emango diozuela.
Besterik gabe, segi lanean Euskal Herriaren alde! Animo!

indarrak bildu | 2003-02-28 : 12:02

elorrik galdera asko egiten ditu, hau zer eta bestea zer...baina kontuan hartu behar duk/n herri plataforma zerbait berria eta anitza dela ( herri mugimendu ezberdinetan dauden hainbat herritarrek hartu dute parte plataformaren sorreran), eta herriko proiektua zein izan behar duen denon artean adostu behar dugula. Beraz ezkertiar eta abertzale sentitzen den oro gonbidatu nahiko nuke partehartzera.
indarrak biltzeko garaietan gaude.azpeitia, euskal herria aurrera!

elkartuz | 2003-02-28 : 13:02

herri plataforma ezkertiarra eta abertzalea da. baina hortik aurrera herritarroi dagokigu definitzea zer izan behar duen. Orain dugu aukera gure haserrea bideratzeko eta antolatzeko.orain dugu aukera proiektu herritar eta aurrerakoi osatzeko. denok eman behar dugu zerbait, gutxi batzuk dena eman dezaten!

Jone | 2003-02-28 : 13:02

ez nago ziur, baina uste dut, zalantza batzuekin esana honela dela. denok eman behar dugu zerbait, gutzi batzuk dena eman ez dezaten.

hitzEGINEZ | 2003-02-28 : 15:02

ondo dago kezkak azaltzea, eta galdera asko edukitzea zer eta nolakoa izan behar duen herri plataformak. Baina ezin dugu begira gelditu. ez azpeitian eta ez euskal herrian zerutik ez zaigu ezer eroriko. Denoi dagokigu azpeitia eta euskal herri berri baten alde lan egitea. Geldirik egon eta gero kritikatzea edo negar egitea alperrik izaten baita. Bildu gaitezen! bihar denok aurkezpenera!

Elkartuz-Jone | 2003-02-28 : 17:02

Ez dut ulertzen, "gutxi batzuk dena eman ez dezaten", esatean zer esan nahi duzuen. Ez dut ulertu nahi "dena" hori, bizia eman edo kendu denik, bestela nik beintzat ez dut nahi horiek niregaitik ezer ematerik.

etxera | 2003-02-28 : 21:02

denok eman behar dugu zerbait gutxibatzuk dena eman ez dezaten esaldia ulertzea ez da ba orren zaila. Denok emango bagenu zerbait,gutxibatzuk ez lirateke orain dabiltzan bezala dena ematen ibiliko eta horrek sufrimendua asko arinduko liguke. Bai guri eta bai zapaltzaileei. Eta denak ematen dabiltzanak norentzat ematen ari direla uste duzu????? Ez duk ulertzen gure herriaren alde ari diren borrokalariekiko horrenbesteko gorrotoa. Bila ditzagun irtenbideak, gaur bihar baino obeto izango da ta.

elorri | 2003-03-01 : 12:03

Denok bat egin behar gara, eskertiar eta abertzaleak aldarrikatuz Plataforma apoiatuz..... hau da nik jasotzen dudan mezua.
Txistuz, bertsdolari..hamaiketako
Oso ondo, bainan eztago zerbait berezia aurkezten.....

Borrokatu!baina hitzekin! | 2003-03-01 : 14:03

Ondo dago Euskal Herriaren alde lan egitea.Ondo dago azpeitiarrak ikustea denak batera lan egiten.Baino ez da batere argi geratzen talde honen ideologiaz.Ni ez nago etxerakin ados,baino berak behintzat argi usten du;ETAren alde apostu egiten du.Plataforma berri honek ordea ez du argi azaltzen zein diren bere proiektuak eta ze bide hartuko duen politika mundu honetan.

etxera | 2003-03-01 : 14:03

Beren proiektuak argi erakusten dituzte beintzat. Euskal herri aske baten alde eta justizia sozialaren alde lana itie dek talde honen proiektue. Ta bidie re argi uzteik, politika ingoiabe. Eztek ba pentsako plataforma hontakuek ETA kuek dieniken?? Eon seguru ETA n ekintzak eztitubela kondenauko, baino honek eztik esan nahi, zenbaitek dioten bezela, ETA kuek dieniken.

elorri | 2003-03-01 : 19:03

Euskalerri aske eta justu baten alde politikie egiten debela, esaten die denek.
Giza eskubideak denontzat, izan beharko lukeela bidea deritzot?

etxera | 2003-03-01 : 22:03

euskal herriye askatzie alderdi danak helburue dala esatek???? eztiat uste PNV ek kanpaña elektoralien independentziyen aldeko mezuik zabaltzeuniken.

elorri | 2003-03-02 : 12:03

Independentziaren alde egon beharra al dago, euskalerri aske baten alde egoteko?
Bai, izan ezkero erantzuna. Indepentziaren alde egoteak, independenteagoa egiten al hau edo al dik Euskalerria?

xixu | 2003-03-02 : 19:03

Kaixo denoi: Neri oso ondo iruditzzen zait plataforma honek ipini duen objetiboa. Denok parte hartu behar dugu Euskal Herriaren alde, bakoitzak bere neurrian eta bere aburuz. Baina nire irittziz, nahiz eta orain arte ETAren ekintza asko apoiatu, bada ordua ETAk ikusi dezan on baino gehiago kalte egiten hari dela Euskal Herriari.Borroka dezagun Euskal Herri libre eta euskarazko euskal herri baten alde, denon partehartzearekin eta ETAren ixiltasunarekin errezagoa izango da. Aurrera Azpeitia eta Euskal herria.

Aurrera xixu | 2003-03-03 : 21:03

Hirekin erabat ados natxeok,ETA ixiltzen bada Euskaldunok hobetoago defendituko gaituk.

Nafarra | 2003-03-04 : 20:03

Nik ere abertzale eta ezkertiar ikusten dut ene burua, bainan bertze modu batean. Hemen, badirudi abertzale eta ezkertiar izateko derrigorrez Batasuna-ren zalea izan behar garela, eta ene iritzi apalez hori ez da zuzena. Anitz eta anitz gara bertze "ezker abertzalea"-ren baloreak konpartitzen ditugunok: abertzaletasun irmo eta tinkoa, justizia soziala, antimilitarismoa (baita Euskal Herria-ren alde omen dauden militar horiek), ekologismoa, pakezaletasuna...
"Ezker abertzalea"-ri buruz mintzatzen denean ematen du alderdi politiko bat bakarrik dagoela, eta alderdi horrek monopolio osoa duela. Ni ez naiz bat etortzen alderdi horrekin,eta abertzale eta ezkertiarra sentitzen naiz.
Izan ongi.

ETXERAri | 2003-03-04 : 21:03

Etxera, joan hadi beingoz etxera ! ! !Nazkagarriye, betegarriye eta aspergarriye haiz ba. Erretiratu hadi beingoz hemendik, Herriak hala eskatzen dik eta.

Nik | 2003-03-05 : 14:03

Oin lau urte sortu uhan ezker abertzalien liste berri bat E.H. uhan,ilusioz betetako garayek ituan,nik parte hartu nian,baino handik denbora gutxira tregua bukau eta bazekiau ze pasa zan,nik orainguen faltako nauk,nere botue papelera jungoek,penakin baño beste aukeraik ez zaukeat.

19.nari | 2003-03-05 : 17:03

Ni hirekin bat. Nik ez nian aurrekoan parterik hartu baina hala ere benetan proposamen ireki eta zabala izan huan (Nafarroan lortu zen ezker alderdien batasuna ikustea besterik ez dago), eta horregatik tarteka lagundu izan nizkian. Oraingoan nire botoa ere zakarrontzira jaongo dek.

nik ere berdin | 2003-03-06 : 17:03

Nire botua zuria izango da, jada ez baitut partiduetan sinisten. Denek beren partidua handitu (=beraien mundilloa handitu) eta arrazoia izan nahi dute denen gainetik, beraiek profesatzen dituzten helburuen gainetik ere bai. Gauza gehiegi ikusi ditut orain herri plataforma batetan ilusio inozo bat edukitzeko.

19,20 eta 21.-enari | 2003-03-06 : 20:03

Zuek diozue, zuen botua paper ontzira edo zuriz joango dela. Ondo da, zilegizkoa iruditzen zait zuen erabakia, baina gaur egunean bizi dugun egoera tamalgarri honetatik irteteko ze egitea pentsatzen duzue?
Botorik ez eman, denak txarrak direla esanda eta kitto! Ederra irtenbidea.
Begira, pentsatzen dut ez zaretela bozketen aurka egongo, hau da hauteskundeen aurka. Gaur egun zoritxarrez edo zorionez, modu honetan erabakitzen ditugu gure ordezkari politikoak, niri ere politikak neurri batean ez dit grazirik egiten, baina nire herrian, bizimoduan... duen eragina ikusita, ezin naiz hauteskunde egunean etxean geratu, nire ideietara gehien gerturatzen denari eman beharko diot botua.
Zuek diozue denak berdinak direla, hori gezur hutsa da, denak ez dira berdinak.
Batasunak ez du ETA-ren borroka armatua salatuko, egia da(nahiz eta nire ustez ez duen zertan egin), ba jende askok honegatik ez dio batasunari botua ematen. Nahiz eta ez salatu, Batasunak hainbat eta hainbat bake proposamen aurkeztu ditu mahai gainean, gainontzeko alderdiek oraingoz, bat ere ez. Ibarretxeren 3 probintziatarako plan hori izan ezik.
Esango didazue nor dabilen hemen batasun bila? PNV eta EA? Beraien artean ahal duten tarta zati handiena banatuz?
Erantzuna zuek bilatu, baina jakin zazue, Euskal Herriaren etorkizunaren zati bat, datozen hauteskunde hauetan erabakiko dela eta ez direla jolasean ibiltzeko garaiak.
Elkartzeko garaiak dira, proiektu serio batean inguruan elkartzeko garaiak dira, horretarako zer hobe, HABEA HERRI PLATAFORMA berria baino?
Edonork hartu dezake parte bertan, animatu eta aurrera bolie.

22ri | 2003-03-06 : 20:03

Nik idatzi nian 19 garrena.Esaten diat nik oin 4 urte nere inder guztiyek jarri niztean proiektu baten,etan handik gutxira danak porrot ein zian,suetena bukautakuen.Oin ze esateiek beste proiekto berri bati eusteko?,joder nik ez diat sinisten proyekto berri hortan.Alde batetik ni ETAn hilketan kontra natxiok,eta bestalde proiekto berri horrek ez dik kondenatuko.Nik pentsatzenian oin lau urte EHko jende askok zerbait esangozula suetena bukasanien,ikusi nian ezetz,eta horreatik ni urrundu ein nituan.

Freud | 2003-03-07 : 11:03

Nire botoa ere papelera jungoek betibezela...ta nei ezik esan: "baina gaur egunean bizi dugun egoera tamalgarri honetatik irteteko ze egitea pentsatzen duzue? Botorik ez eman, denak txarrak direla esanda eta kitto! Ederra irtenbidea".
Hik ze pentzatzek eitie botue eman, esan hire aukerie dela onena ta bestiek txarrak diela esan...ta ze desberdintasun zeok ba?
HASTALOSCOJONES!!!!!!!

22ri | 2003-03-07 : 14:03

Hik ez dek ba pentsauko beste partiduen jokabide diferentie eukikozuela plataforma hortan, bai zea, bestiek bezela, partidue hazi (=mundillo propioa sortu) eta besteak txarrak direla esan. 24.rekin erabat ados.

behar bat... | 2003-03-09 : 16:03

botoak paperetara, botoak kristal ontzietara, bakoitzak ikusiko du zer egin eta erabaki guztiak dira onak, ondo arrazoituz gero. Plataforma, herri mugimendu, euskaldunon bilgune bat... sortu dela herrian?? ez da txarra, gaur egungo eraso anitzen aurrean, euskaldunon ezaugarrietako bat hor nabarmentzen da. Horren aurrean ere mota guztietako iritziak egongo dira, normala eta ulertzekoa da. Agian plataforma berri honek lehengo bidea hartu dezake, jende berriari ate bat baino gehiago itxiz edo agian ez!!!! eta guztion partaidetzarekin bidea gero eta zabalagoa ea egiten dugun, plataforma honetatik hasi eta abertzale nahiz euskaldun guztiok bat eginez eta EZ DA DESIO BAT, BEHAR BAT DA HERRI HONENTZAK, BESTELA AKABO.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu