Bost kartzelara eta lau kalera

Uztarria.eus | Euskara
2003ko ots. 25a, 16:02

Horixe da Juan del Olmo epaileak hartutako erabakia. Bost kartzelaratuak Xabier Alegria, Xabier Oleaga, Joan Mari Torrealdai, Txema Auzmendi eta Iñaki Uria dira. Eta Martxelo Otamendi, Inma Gomila, Luis Goia eta Fermin Lazkano fidantzapean aske geratuko dira. Bestalde, Pello Zubiriak ospitalean jarraitzen du.

Bost atxilotuak Soto del Real kartzelara eramango dituzte, eta inkomunikazioa altxatuko omen zaiela ere jakitera eman da. Atxilotuak Xabier Alegria, Xabier Oleaga, Joan Mari Torrealdai, Txema Auzmendi eta "Iñaki Uria":http://www.egunero.info/030220/orriak/orria6.html#uria dira.

Bestalde, beste lau lagunak fidantza ordaindu ondoren aske geratuko dira. Guztira 72.000 euro (12 milioi pezeta) eskatzen zaizkie hauei. Martxelo Otamendiri 30.000 euro, Inma Gomilari 18.000 euro, Luis Goiari 12.000 euro eta Fermin Lazkanori 12.000 euro. Euskadi Irratiak jakitera eman duenez Martxelok, Inmak eta Luisen fidantza dirua aurkeztu da jada Madrilen eta beraz, kalean izango dira laster. Fermin Lazkanok oraindik ez du dirua aurkeztu.

Pello Zubiria oraindik ospitalean da eta epaileak ez du erabakirik hartuko berarekin egon arte. Pello inkomunikatuta da deklaratu bitartean, eta Euskadi Irratian harren emazteak jakitera eman duenez epaileak ez du medikuen baimenik Pello hitauntzeko.

Bestalde Euskadi Irratian bertan, Jon Ordoñez Egunkariako langileak jakitera eman duenez Madrilera gerturatu diren lankide eta senitartekoek ez dute Soto del Realen sartzeko baimenik lortu eta inguruko gasolindegi batean dira. Bertaratutako Egunkariako langile eta atxilotutakoen senitartekoak Martxelo, Inma eta Luis askatu bitartean bertan izango dirala jakitera eman du: "Nekatuta eta atsekabetuta gaude. Bost lagun preso ditugu, eta beste laurak ateratzea poztekoa izanda ere Pello Zubiriaren egoerak kezkatzen gaitu. Gaur 20:00etatik 24:00ak bitartean aterako direla esan digute eta hemen izango gara zain". Fermin Lazkanoren sendia fidantza bihar goizean ordaintzekotan dela jakinarazi du, eta beraz, bihar bertan kalera aterako dutelakoan dela esan du.

Bidali:  

Erantzunak

jose luis otamendi | 2003-02-25 : 23:02

Estatuko indarrik atzerakoienek estatu kolpe erdi estalia ematen ari direla ematen du errepresioaren tamaina ikusita.
Oraingoan ere euskal kultura jarri dute jopuntuan. Kulturarik gabe bere mundua gabe utzi nahi dute euskaldungoa, eta hilez gero kito.
Martxelo Otamendi eta Juan Mari Torrealdai torturatu egin dituzte. Testigantza beldurgarria entzun berri dugu irratian. Torturatzaileak ere euskal literaturaz, kazetaritzaz zaletzen hasiak dira. Lehenaz gain, inor ez gaudela seguru.
Elkarrengana bildu eta burua altxatzen ez badugu oraingoan jan egingo gaituzte.
Ea ezagutzen dugunok Txema Auzmendiri ikasi genion bezala, adorez lotzen gatzaizkion lanari.
Aurrera!!

iñigo aranbarri | 2003-02-26 : 11:02

Egun ikaragarriak bizitzen ari gara. Gehien erabiltzen ari den hitza dugu "sinestezina". Gaur, lanera nindoala, gereziondo txinatar batzuk ikusi ditut, loretan hasita.

Tortura Stop! | 2003-02-26 : 15:02

Guardia Civilak, Polizia Nazionalak eta Ertzaintzak TORTURAtu egiten ditu fisikoki nahiz sikikoki euskal herritarrak.
Batzuk, badirudi orain arte ez zutela ikusi nahi, baina Martxelo Otamendiren testigantzak begiak irekitzeko balio badigu...gaitz erdi!
Bil gaitezen, eta torturarekin amai dezagun!

egunkaria aurrera! | 2003-02-26 : 21:02

Arrazoia duzu, badirudi orain arte torturak ez direla existitu eta Martxeloren testigantzak harri ta zur utzi ditu herritar gehiegi. ETB koak an izan ziren Martxeloren testigantza jasotzen baino gure herri onetan, 3 egunetik bein euskaldun bat torturatzen duten herrian, beste torturatu guztien testigantzak EZKUTATUAK izaten dira eta tortura tema TABU bat izaten jarraitzen du. Egunkarieraren itxierarekin lehen mugitzen ez zen sektore bat zerbait egiten ikusi dut eta eztakik poztu egin behar dudan edo atsekabetu. Faxismoaren atzaparrak beraiek erasotu dituztenean soilik mugitzeak, susmo txarrak sortzen dizkit. Eta zorionak ematea nahiko nuke mugitu diren guztiei: ANIMO ETA DENOK BATERA LORTUKO DUGU AMESGAIZTO HONEKIN BUKATZEA. BAINO DENOK BATERA!!!

Nafarra | 2003-02-28 : 23:02

Arrazoi osoa zeukan Martxelok torturaren aurkako "Nunca Mais" euskal taldea sortu behar dela erraterakoan.
Jokaera zikin eta nazkagarri horiek, adierazpen askatasunaren ezarekin, Espainiar Estatua "monarkia bananera" dela frogatzen dute, eta Hego Euskal Herrian aitorturik gabeko salbuespen egoera batean bizi garela.
Aski da ozenki errateko garaia iritsi da. Donostiako karriketan joan zen larunbatean bizi genuen batasuna eta elkartasuna bizirik mantendu behar dugu.
Egunkaria aitzina!

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu