Pablo VI-tik Garate Anaiaren auzunera oinezkoentzako aldapa berria egingo da

Uztarria.eus | Herria
2002ko aza. 19a, 17:11

Pablo VI eta Garate Anaiaren auzuneak batuko dituen oinezkoentzako aldapa egiten hasi dira aste honetan bertan. Aldapa, orainarteko eskaileraren alboan eraikiko da, eta bide batez eskilara hauek berrituko dira.

Aldapak pasabide erosoagoa eskainiko du eta bi auzoen arteko joan-etorria hobetuko du.  Argazki originala

Pablo VI eta Garate Anaia auzuneen arteko joan-etorriak orainarte eskaileraren bidez burutzen ziren, baina aste honetan bertan bi auzoak batuko dituen aldapa eraikitzen hasi dira, eta bide batez eskailerak eraberrituko dira. Aldapa honek eskailerak erabiltzeko ezina edo zailatasunak dituztenei pasabide erosoagoa eskaini eta orainarteko oztopoak kentzeaz gain bi auzoen arteko joan-etorria hobetzea ekarriko du.

Bi auzoen arteko gune horretan burutuko diren lanak lau edo bost hilabete iraungo dute, eta 396.000 euroko (66 milioi pezeta) aurrekontua dute. Aldapa berriarekin eta eskaileren berritzearekin Harzubia inguruaren hiritartze lanak amaitutzat emango dira, izan ere Udalak inguru horretarako aurreikusitako lanen azken fasean kokatzen du bi auzoak batzen dituen aldapa.

Bidali:  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu