Hasi dira Auzarazako errotondako lanak

Uztarria.eus | Herria
2002ko urr. 3a, 17:10

Aste honetan hasi dira Auzarazako errotonda egokitzeko lanak. Lan honekin, errotonda itxi egingo da eta zubitik datorren bidearen mailara altxatuko da.

Lanak hiru-bost hilabeteko epean burutzekotan dira, eta bitartean Sanjuandegiko gurutzeguneko semaforoak martxan izango dira.  Argazki originala

Auzarazako errotonda egokitze lanean erdiko bidea itxi eta kenduko da (2000 urtean behin-behineko plastikozko heziez ixtea erabaki zen) eta errotonda bera altxatu egingo da zubitik datorren bidearen maila berera jarriz. Errotondaren altxatzeak ez du eragingo zubitik datorren bidean, bai ordea, beste bietan eta hauek ere egokitu beharko dira. Honela Loiolarako bidean, esklabataraino, eta herri sarreran, Loiolako Inazio Hiribidea 1 etxebizitzaraino, aldaketak egingo dira.

Egokitze lanek 740.000 euroko aurrekontua dute, eta hiru-bost hilabete iraungo dute.

Semaforoak

Auzarazako errotondako egokitze lanak medio, Sanjuandegirako gurutzegunean aldaketak izan dira. Honela, behin-behineko errotonda jarri zenetik itzalirik zeuden semaforoak berriro martxan dira, eta Jose Artetxe kaletik datozen autoek ez dute errotondaraino joan beharrik izango Landeta edo Sanjuandegi auzoetara joateko.

Bidali:  

Erantzunak

BAT | 2002-10-08 : 19:10

HIRU- BOST HILABETE!!!!! DAGONEKOZ EGUERDIYEN ATAZKO EHARRA EOTEK.

Bi | 2002-10-08 : 21:10

eguerdiyen bakarrik ez baite atsaldeko 6-retatik aurreare.Iye loiolañoko karabanie aurekun behintzet

Naxi | 2002-10-09 : 17:10

Loiolabideko kruze horretan lehenengo obrak egin zituztenean, duela urte batzuk (erdi-errotonda erdi-semaforo jarri zutenean), lagun batek, ingeniero batek, zera esan zidan: "nahita ere, gaizkiago egiterik ez zagok. Hori horrela egin duenak nahita egin dik gaizki, intentzio guztiarekin". Hori esan zuena oso konbentzituta zegoen esaten zuenaz. Nik ez dakit hori hala den, baina dakidana da gauzak ez direla ondo egin, eta egin direnean, berandu. Landetako errotondak (esan didatenez, Erkaxok proposatutakoa) asko arindu zuen trafikoa Azpeitia aldean; horretaz gain, eta Uztarrian irakurri dudanez, Batasunak beste errotonda batzuk ere proposatzen ditu; garraio publikoa bultzatzeko politikarik ere ez da egin kasik herrian; bidegorrien plana ere hor dago, eta probetxua atera dakioke. Ez dakit horrekin nahikoa izango den, baina bariante batek eskatzen duenaren tamainako inbertsioa eta txikizioa egin aurretik, bestelako aukerak ere aztertu eta frogatu beharko lirateke. Eta horrekin nahikoa ez bada, orduan ikusi zer egin daitekeen. Baina Azpeitian, eta beste herri askotan ere bai, alderantzizko logia erabiltzen da. Zentzuak ez du agintzen, dirudienez. Boterea, dirua… Halakoak nagusi.

Naxi-ri erantzune | 2002-10-10 : 11:10

Naxi, hi beti bezela Batasuna famatzen eta udala kritikatzen, gai guztietan....nabarmena haiz.....
Ba esan behar diat, Loiolabideko errotonda bere garain Diputazioak egin zuela, eta "Batasunak presentatzen" dituen rotonda hoiei buruz berri, ederki asko dakik udala ari dela lanean rotonda hoiek martxan jartzeko.....eta ez ezan aprobetxatu beti bezela Uztarria Batasunaren alde kanpaña egiteko.

Garrantzizkuena | 2002-10-10 : 12:10

Bueno,bai bati ta bestiei esan alderdi politikuekin ez monopolizatzeko Azpeitiko herrigintzie,partiduek pasa iteituk,heteruek dituk, parkiek ta rotondak hor geratzeituk,gañea zenek esateik alderdi politikuek erabaki ber ditxiabela exklusiban gauz hoyek,hortan edozein azpeitiarrek edo edozein herritarrek euki ber dik esatako nahi baldima du.Garrantzizkuna dek nola lagako yaben oingo hontan leku ear hori,beste alrebezkeye itie nahi deben eo alde hori konponduko eben,ta leno zauen bezela ipiñi,hau da subterranoipe ta zuzen jungoan espaloiekin pare hortan,ez tek ba ezerre kostatzen gauzek ondo itie....

naxi | 2002-10-10 : 14:10

Nik ez dut esan rotondak egiten ari ez denik Udala. Baina rotonda horiek bariantearen alternatiba posible bezala aztertu al ditu Udalak? Ez dut uste. Udalak badaki bariantea egin egingo duela, jada erabakita dute zenbaitzuk (Boroako zentrala bezala), eta, nik dakidala, Batasunak alternatiba moduan aurkeztu ditu rotondak. Batasunak argi ikusten du, nonbait, horrekin nahikoa dela. Nik ez daukat argi. Baina argi daukadana zera da: bariante batek eskatzen duenaren tamainako inbertsioa eta txikizioa egin aurretik, bestelako aukerak ere aztertu eta frogatu beharko liratekeela. Eta halakorik ez da egin, nire ustez. Beste kontu bat: Batasunaren proposamenen aldeko kanpaina egiteko, Batasunaren proposamenen kontrakoa egiteko, Udalaren kudeaketa txalotzeko edo salatzeko… Nik dakidala, Uztarria-ren internet orri hau norberak daukan iritzia emateko erabili behar dugu herritarrok. Betiere, inor iraindu gabe (ez dut uste inor iraindu dudanik, eta ahal dela pertsonalki inorekin ez sartzen saiatzen naiz). Bestalde: nork esan behar dit niri zer esan behar dudan? Iritzia ematea librea ez al da ba? Behin herrian horretarako tresna egokia dugunean (mundiala, niretzat), baten bat beldurtu egiten al da ba? Informazioari beldurra? Iritzi libreari beldurra? Eztabaidarik beldurra? Imajinatzen nik hau idaztea: "beno, beno, nahikoa diagu. Ikusten zaik EAJ ingurukoa haizela, eta ez ezak erabili orri hau hire txapa botatzeko…". Onartezina litzateke. Euskal Herria plurala dela esanez jarduten duten horiek jakin behar lukete Azpeitia ere ez dela kolore batekoa, nahiz eta azken urteotan kolore bakarrak agindu duen gure herrian… Barkatu gaitik ateratzeagatik, baina "naxi-ri erantzune"-ri erantzun egin nahi nion.

partxea estaliz | 2002-10-10 : 17:10

Orain errotonda ondo ipini behar dutela? Ba beste partxe bat estaliko dute. Eta hurrena beste bat, beste gai batekoa izanda ere. Eta hurrena beste. Eta horrelaxe beti... herrian partxe bat estaltzen duten bitartean, beste zulo batzuk sortzen diren heinean.
Niri oso ondo iruditzen zait orain errotonda hori ondo jartzea, lehen oso gaizki egina zegoelako, eta errotondek trafikoa betiere arindu egiten dutelako.
Galdera bat: oraingo lan hauek zeinek ordainduko ditu? Diputazioak gaizki egin eta azpeitiarrok ordaindu orain?
Ez al da kexatu Azpeitiko Udala? Edo beste asmo batzuk ditu?...

bost | 2002-10-10 : 21:10

hi naxi, pixket kargantie haizela ez iruitzen?
ta rotonda bat konpontzeko horrenbeste denbora ber al debe? joeee

Naxiri direct | 2002-10-12 : 13:10


Naxi ez aiz kargantie,ta jarraitu Azpeitiko gauzek ikusteko hire modu berezi horrekin porke gauzek eztie kontatzeituben bezela,beintzet udaletxien kontatzeituben bezela,Nei udaletxeko txapuzatik,Loiola Bideko rotondie bezela ta terreno berdien berkalifakaziyuen bezela(ta hori inde beayek deskalifikatzeituk politiko ta profesional bezela herriyen aurrien) oso argi zakeat opiniyue baño amen ezin dek iñor deskalifikau asi ke beste modu batea esaten saiatze nauk,baño beste Azpeitiko alderdi politikuen jarrerie re etzitek bate atraktibue iruitzen porke azken finien eraikitzen pentzatzebe,nik pentzatzet unezkeo Azpeitiyen dauden gune berde danakin saia inberko giñela berdiek mantentzen hormigoiek,bueno ladrilluek dana irentsi aurretik.Naxi kargantie?,iguel bai,a la karga zuzen zuzen jute alako

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu