Ligako azkenengo bi norgehiagokak irabazi izanak (Legazpiko La Bellotari 6-3 eta Tolosako Laskoraini 5-4) konfidantza ikaragarria eman die Gregorio Expositoren mutilei, izan ere, ligako azken txanpa honetan hiru partida erabakigarri jokatu beharko baitituzte Jostaldikoek. Ostiral honetan, esaterako, talde azpeitiarra Tecnun taldearen aurka lehiatuko da Donostian, 21.00etatik aurrera. Ez da partida erraza izango Jostaldirentzat, talde donostiarra une honetan jaitsiera postuetatik irtetzeko lehian baitago.