Euskara hiru administrazioren menpean dago gaur egun EAEkoaren, Nafarrokoaren eta Ipar Euskal Herria kide den departamenduaren menpe, guztira bost legedi ditu, eta euskara bere herrian Euskal Herrian ez da hizkuntza ofiziala. Eta, gainera, eraso handiak jasotzen ari da azkenaldian: AEKren kontrako neurri judizialak, euskarazko komunikabideen kriminalizazioa, euskal irakaskuntzaren aurkako erasoak... Hori guztia salatzeko eta herritarrak kontzientziatzeko, ekimena egingo dute larunbat honetan Hendaian, Irunen eta Endarlatzan, hainbat euskara mugimenduk antolatuta; hain zuzen ere, "euskara bere menpe hartzen duten hiru administrazio horiek hortxe egiten dute bat", antolatzaileek esan duten bezala. Euskararen ofizialtasuna erein du leloa ekimenak.
Urolakoak Hendaiatik
Administrazio eredu bakoitzetik jende katea bana egingo da. Irungo azken errotondatik 17:30ean abiatuko da jende katea, Hendaiako tren geltokitik ordu berean (Urola bailarakoak hortik abiatuko dira) eta Endarlatzatik 16:30ean, eta hiru eremu haien tartean dagoen poligonoan egingo da gero ekitaldia ('euskararen haritza'-ren landaketa, bertsolariak, adierazpenaren irakurketa, kantaria, suziriak...).
Azpeitian autobusa egongo da hara joateko, eta 16:00etan aterako da, Etxe Zuri aurretik. Izen-ematea: Amaia, Urtzi eta Orkatz tabernatan, eta AEKren Mikelats Euskaltegian (943 15 10 89).
Azpeitian atxikimendu bila
Antolatzaileek ekitaldi honekiko ahal den atxikimendu gehien lortu nahi dituzte, eta Azpeitiko ikastetxeek, elkarteek, sindikatuek, alderdi politikoek eta abarrek atxikimendurik eman nahi badute, albiste honen ondoren dagoen erantzunen atalean eman bere babesa, elkartearen izena idatziz.