Alferrikako eztabaida

Aitor Aranguren (Ingurumen zinegotzia) | Iritzia
2002ko api. 17a, 08:04

Aitor Unanue (Batasunako zinegotzia), Miren Aldalur eta "izurde"-ri erantzuna

Deigarria da nere iritziaren gaian sortutako erantzunetan gai nagusia (Ibaiak eta ertzeko landaredia) aipatu ere ez egitea. Baina tira ..... Jendeak nahiago du web orri hau beste helburu batzuekin erabiltzea.

Aitor Unanue (Batasunako zinegotzia)-ri: Ez nian higandik gutxiago espero. Aurrez aurre ardi eta publikoan otso. Hori duk demagogia hutsa eta erreza erabiltzeko artea.

Eztabaida/egoera baten aurrean bi motatako pertsonak daude: 1.- Besteak egindakoa kritikatzen duena, egindakoa ondo edo gaizki deritzolako. 2.- Besteek egindakoa BETI gaizki dago eta ondo egindakoa gutxi bada ere ezin dute onartu. Portaera hau oso arrunta da politikaren eszenatokian tribu ezberdinen arteko kritikan. Teorian gauzak egitea erreza duk. Errealitatera jaitsitakoan ordea, gauzak egitea konplikatuagoa duk, pertsonak konplikatuak garelako. Ikusi bestela politikaren panorama.

Hire erantzuna irakurtzean, hasieran aho zabalik utzi nauk eta gero iribarrea atera zaidak. Joño, ez nituan konszientea legealdi honetako hiru urte hauetan egindakoarekin: Ibai Eder urtegia, Xoxoteko pista, Lapatxeko zabortegia, Urolako trena desagertzea, zentral eolikoak eta abar luze bat. Baina memoria txarra daukak Aitor. Ahaztu egin zaizkik legealdi honetako lorpen garrantzitsuenak: pinudiak, errepideak, Amazonasko basoen hustiapena, ah! eta bixigua Kantauri itsasotik desagertaraztea.

Mesedez seriotasun pixka bat. Hiru urte hauetan egin dugunetik zerbait ondo egin degula esatea legezkoa duk. Errespontsabilitate falta batean eta gauzak nahastu nahiean Agenda 21, 4R Fundazioa eta Ingurugiro Etxea aipatzen dituk. Hik badakik hiru hoietan gauzak ondo eta serio egiten direla eta badakik ondo ere aurreko postuetan gaudela.

Guk aguantea dugula? eta zuek lehenago mugitzen zaretela? Hi, kontuz, Ariel Sharon (beste adibide bat ez jartzearren) ere azkar mugitzen dek eh!. Hori bai, lagundu ez duk egiten, aportatu ezer ez eta apoiatu are gutxiago.

Bukatzeko, ez ezak AMALURRA den hitz ederra suntsitzeko erabili , eraikitzeko baizik. Amalurrak ez dik politikaz ulertzen.

Miren Aldalur-i erantzuna: Sonografoen kontua Hirigintzako Batzordetik eraman da. Ingurumen Batzordetik zer egin da zarataren gaian? 1.- Zarataren diagnostikoa Azpeitiko Udalerrian, eta ondoren 2.- gaur egun Labein Ikerketa-laborategia zarataren ordenantza egiten dihardu (2-3 hilabetean bukatuta egongo da).

"Izurde"-ri erantzuna (batzuei erantzuten denbora galtzea ere!!)

Hemen ixkutatuta dagoen bakarra hi haiz izen horren atzean.

Bidali:  

Erantzunak

Osatzeko | 2002-04-17 : 11:04

"Honako iritziei":http://www.uztarria.com/albistie... erantzuten die Aitor Arangurenek

Izurde | 2002-04-17 : 20:04


Ni herritar pringau bat besteri ez nauk eta WEB honek aukera ematen zidak anonimotasuna gordetzeko. Hi alderantziz, herriko zinegotzi bat haiz, eta zinegotzi haizen heinetik aurpegia ematea tokatzen zaik onean hala txarrean. Edo poltsikoa betetzeko bakarrik izan nahi duk zinegotzi?
ARTIKULU ESKASA IDATZI DUK BENETAN, EZTABAIDA EKIDIN ETA ETA EZER ERAIKITZAILERIK IDATZI GABE. BAINA EZ NIAN GEHIAGORIK ESPERO, AMODIOZKO LEGEALDI HONETAN OHITUAK GEUDEK HONETARA...

Aitor Aranguren | 2002-04-18 : 00:04

Bai. Egia duk "izurde". Hire iritziak oso aberatsak dituk. Konturatu nauk bai. Baina berdin jarraitzen duk,hau da, gaia eztabaidatu gabe. "Iritzi" mota hauek Web orri hau zikindu bakarrik egiten diate. Eta aurreko berdina esango diat: ixkutatuta jarraitzen duk

Azpitarte | 2002-04-18 : 15:04

Aitor Aranguren eta Aitor Unanueren arteko elkarlana herritar guztion onerako izango da. Utzi ditzatela alderdi ikuspuntuak, biak Ingurugiro arloan lan ona egin dute, baina badirudi hauteskundeak inguratzen diran bakoitzean (oraindik urtebete falta arren) "trapu zaharrak" ateratzeko joera hartzen dugula.
Izurderi berriz, hobe zerbait eraikitzea kritika merke horiek egitea baino.

Aitor Aranguren | 2002-04-18 : 17:04

Ados nagok Aitor. Gauzak argitu ditzagun, baina orain ari garen bezela, **hitzegiten**. Hiri erantzutean, heuk nirekin erabilitako tono berbera erabili nian. Hau dek, gauzen arteko nahasketa eta exagerazioa. Ez ezak beraz dena bere osotasunean irentsi. Nik nere ardura zeukeat Ingurumen zinegotzi bezela. Dudarik gabe. Baina bakoitzari berea: lorpenak eta akatsak, BIAK.
Ez nauk sekula ikusi inor iraintzen eta mehatxatzen eta ez ikusiko ere. Ez dek nere estiloa.
Hire lehenengo iritzian aipatutako eta neri adjudikatutako lorpen zerrenda zabal hura gure Udaleko sozioenak badira, horrelaxe esan behar duk, bestela gauzak nahasten ari haiz eta hau ez dek ona inontzat. Gauzak nola esan jendeak ala sinistu.
Ingurumenaren bidean herri bakoitzak bere neurrira egi behar dik autoa. Legealdi honetan, beste herri askotan ez bezela, autoaren karrozeria egin diagu (gainera monobolumena Azkoitia-Azpeitia), gurpil honak dizkik eta bidaia luze baterako prest gaudek. Baina batzutan motorrak failatzen dik. Motor modernoak oso konplexuak dituk.
Ingurumen aldagaia barneratzeko prozesua (administrazioan, gizartean, enpresetan…), zoritxarrez, oso motela duk eta hik badakik, hitzegin diagu honetaz eta, baliabide faltagatik Ingurumen Batzordeak duen operatibitate mugatua. Udalean borondatez iharduten diagu lanean eta gainera geure lana eta familia zeukeagu.
Gai batzuk lotzen dituk legealdi honekin eta erantzungo diat:
1. *Zentral eolikoak*. Momentu hartan asunto larriagoa nian esku artean eta ez nioan gaiari behar bezela heldu. Baina batzorde eta udalbatzetan nere iritzia garbi bota diat. Energia eolikoa BAI. Zentral eolikoak humanizatu gabe gelditzen zaizkigun mendi garaienetan EZ. Bazaudek tarteko aukerak.
2. *Oñeder*. Azpeitiko EA-k bere kontrako irtzia garbi, altu eta publiko egin zian.
3. *Aceralia*-ko zaratak eta isurketak. Ingurumen batzordeak eskatuta egin den zarataren diagnostikoa Aceralia-ra helarazi nian eta zarata-iturri handiena apantailatuko diate epe laburrean. Airerako isurketak neurtzen ari dituk 15 egunean behin tximiniako ahoan eta datuak Eusko Jaurlaritzara bidaltzen dizkiate eta badirudi legeak onartzen duenaren %50-aren azpitik daudela. Zabortegiko lixibiatuak jaso eta kolektorera emateko aukera Ur-Konsortzioarekin hitzegitekotan zeudek.
Ingurumen arloan hirekin asko sintonizatzen diat, akaso abiaduran ez, agian eguneroko errealitate gordinean nagoelako. Hire aportazioak denak jasotzen dizkiat, gai askotan hire oniritzia eman dek, bazekiat, baina apoio falta nabaritzen diat legealdi honetako gai garrantzitsuenean: Tokiko Agenda 21.
Ikusi arte.

Miren | 2002-04-18 : 21:04

Sonografoen kontua, hirigintza batzordetik eraman baldin bada, ez da zure "komisio"ko gai zehatza izango eta neurri hortan, nere akatsa barkatzeko eskatuko nizuke.
Hala ere, herritar soil bezela ingurugiroarekin lotura ikusten zaio eta zuen komisiotik eskatu beharko litzaioke (Hirigintza Batzordeari)ordenantza hori betearazteko. Zer ondorio dute zaratei buruzko ikerketek, dauden legeak bete arazten ez badira?

Aitor Aranguren | 2002-04-19 : 00:04

Arrazoia daukazu Miren. Sonografoen kontua gaizki eraman da Udaletik eta ez da errespetarazi tabernetan. Gaizki hasten dena zaila izaten da zuzentzea.
Labein ikerketa-zentruak, guk eskatuta, zarataren ordenantza lantzen duenean (2-3 hilabete) eta ondoren Udalbatzan onartzen denean, erabili eta bete beharreko tresna bat izan behar da. Bestela alferrik ari gara.
“Gutunontzi berdean” jasotako kexa gehienak zaratarekin zerikusia dute.

Aitor Unanue | 2002-04-19 : 09:04

Ez ditzagun atera gauzak bere onetik, Aitor. Utzi ditzagun gauzak bere lekuan.
Arrunta bihurtzen ari dek eta batibat zuen udaleko sozioen buruarengandik Batasunako zinegotziak iraintzea eta mehatxatzea. Eziozue horrelako eskolarik ikasi, eta otsoa utzi dezagun basoan, ardiak larrean eta Sharon zenbat eta urrutiago eta hobe.
Gauza asko esan nahi dizkik demagogia hitzak, asko erabiltzen dek baina inor gutxik zekizkik bere esanahia. Ez dik merezi agertzen denbora galtzerik.
Ez zioat legealdi honetakoak direnik Nuarbeko urtegia, Lapatx zabortegia, Urola kentzea eta abar. Bai ordea zuen sozioen udaleko egonaldikoak, horien zakuan dena balekoa dela, jasangarria zaiela. Eta bide horretan doazela gauzak legealdi honetan ere. Gogoratu zentral eolikoen aurrean izan duzuen jarrera, bailarako beste udalak aurka mugitu direnean, edo Basarteko Oñederren kasu lotsagarria, Aceraliaren isurketak eta zarata, Izarra plana. Legealdi honetakoak dituk guziak.
Ondo eginik ere izango dek noski, argitaratuko dituzue, eta horrela bada guziontzat mesede.
Gauzak argitzeko asmoarekin jardun nauk, eta agian argiegi idatzi diat, errealitatea, praktika, noski zaila eta latza bait duk. Eta borondaterik hoberenarekin jardunda ere lorpenak urriak izango dizkiagu. Baina borondaterik ez badago udal gobernuan ( nahiz eta ez den hire kasua) txikizioa areagotuz zioak.
Gure laguntzarik izan ez dekanik etzak esan. Legealdi hasieratik zabaldu bait genian eskua eta erantzuna zein izan den denak zekitek. Batasuna baztertu eta zokoratu duzue legeak utzi dizuen muturreraino. Guk urteoro, aurrekontuetarako arlo guztietako proposamenak aportatuaz erantzun dizuegu, berdin ingurugiroari dagokionez ere. Apoiorik eman ez diagunik ere etzak esan ongi iruditu zaizkigun proposamenetan, behin baino gehiagotan. Eta laguntzarako eskua luzatu ere, biok dakigun bezala. Aurrerantzean ere hor izango duk gure laguntza eta apoioa bidezko eta egoki ikusten ditugun proposamenetan, hor izango dituk gure aportazioak. Gauzak nola egiten diren gehiago axola bait zaiguk nork egiten dituen baino.
Ez, amalurrak ez dik politikaz ulertzen, baina gogorrena politikoek amalurraz ezer ez jakin nahi izatea duk.
Animoak, Aitor.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu