Arrospide eta Arria V. rentzat izan zen Urrezko Aizkora

Uztarria.com | Kirolak
2002ko ots. 19a, 16:02

Angel Arrospidek eta Xabier Orbegozok, Arria V.ak, lortu zuten Urrezko Aizkora igandean. Bikote gipuzkoarrak Nazabal eta Lopez Azpilikuetari erraz irabazi zien, hauek lortutako 3 puntuen aurrean 18 lortu baitzituzten Arrospidek eta Arria V.ak.
Txandakakoarekin hasi zen txapelketa, 80 haztabeko enborra moztu behar zuten eta Arrospide eta Arria izan ziren lehenak 3:22 minuturekin. Nazabal eta López Azpilikuetak 4 minutu eta 20 segundo behar izan zituzten lana amaitzeko. Ondoren, kanaerdikoari ekin zien aizkolariek, eta oraingoan Nazabal (1:17) Arriaren (1:28) aurretik ibili zen, baino Arrospide (1:42) López Azpilikuetari nagusitu zitzaion, azken honek ez baitzuen kanaerdikoa mozten amaitu. Hurrengo proban lau aizkolariek 60 haztabeko enborra moztu behar zuten. Proba amaitzen lehena Arria (1:08) izan zen, eta ondoren Nazabal (1:15). Banakako norgehiagokan berriz, Arria (1:33) López Azpilikuetari (1:34) ozta-ozta nagusitu zitzaion, eta Arrospide (1:55) Nazabali, azken honek ez zuen lana amaitu. Txapelketaren une honetan Arrospide eta Arria aurretik ziren 7-2, eta 12 puntu ziren oraindik jokoan.

Kanporaketa probak erabaki zuen garaipena, Arria eta Arrospidek 5 puntu lortu baitzituzten eta López eta Nazabalek 1. Eta ondorioz, 12-3 punturekin aurretik ziren Arria eta Arrospide, eta 6 puntu baino ez ziren geratzen jokoan. Ondoren jokatu zen proban ere Arria eta Arrospide nagusitu ziren, 19 minutu eta 12 segundo behar izan baitzituzten, besteek baino 55 segundo gutxiago.






Bidali:  

Erantzunak

miren | 2005-09-27 : 20:09

xxmxmx dndndjd sjsnss a sdhcd dthe nhdhn the ssbsshssnksksaksoiekdmc dkdjdjdjkjdnem dlkllldkmn 954258210 djdmfcxhdhn,,slks kkshwxhxnndjdkslslka.,anm djd djd djs esjnmsdjejs sjssskdjskslkjdfhghdkkldsdlk edjdjdkdoeñifdjdkdkdme kdeiddikeiossm ekdjeidjsalñla.zlaoanqhsjs zxhsjskamzis s9 xnsnsbnz as12 shsbsbbbsbs 5 xjdnendhcjdndb cjx jdncxjdjncn djdjndn cncnjrf f cjdnjfdjhrdnbdcbdd dyehb dhduewkkdkdkdkdkkk djdjerjjdjdudjj kksksdjhsjklkajasjd jsjdk jdks j owj ,s j

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu