/cache/iraurgi%20berritzen(1)_tokikom_300x300.png){kind=small}
Txertatu Merkatuan proiektuaren bitartez, eskualdeko gazte langabetuei lanerako aukerak eskainiko zaizkie. Euskal Autonomia Erkidegoko 2014-2020ko Gazte Enplegurako Programa Operatiboan kokatzen da proiektua, eta Europako Gizarte Funtsak finantzatzen du %91.89an, Garapen elkartearen eta eskualde-garapeneko 19 agentziaren parte-hartzearekin eta Eusko Jaurlaritzaren lankidetzarekin. Proiektu hau, Urola Erdian, Iraurgi Berritzenek kudeatuko du.
Honako ezaugarriak betetzen dituzten gazteei zuzenduta dago Txertatu Merkatuan:
- 16 urtetik gorako eta 30 urtetik beherako gazteei.
- Langabezian dauden pertsonentzat eta azkenengo hilabetean laneko kontratu bat izan ez dutenentzat.
- Batxilergo tituludunak, erdi mailako ziklo bat aimatuta dutenak eta baita unibertsitate-ikasketak utzi dituztenak ere.
Txertatu Merkatuan programa berritzailea da. Parte-hartzaileen jakintzak, trebetasunak eta hobbiak hartzen ditu oinarritzat, haien jakintzak egituratzeko eta lan-profil bat eraikitzeko. Helburua zera da, pertsona bakoitzaren motibazioa lortzea eta autoestimua areagotzea, esku-hartzeko erabiltzen diren metodologiak gela tradizionalean erabiltzen direnen bestelakoak izanik.
Txertatu Merkatuan programak parte-hartzaileen profil eta premiei egokitutako ibilbidea proposatzen du, eta honako bi fase garatzen ditu:
- Egokitu: eguneroko jakintzetatik abiatuta, lan-profil bat eraikitzea. Langabezian dauden eta esperientziarik ez duten pertsonen ezkutuko gaitasunak eta lan-trebetasunak identifikatu eta balioztatu nahi dira, enpresek erabiltzen duten lan-hizkuntzara egokitzeko.
- Trebatu: lan-errealitatea ezagutzeko lehen pausoa. Gaitasun teknikoetan prestatzeko tailerrak eta gizarte-berrikuntzako jardunak garatzeko gaitasun-tailerrak emango zaizkie parte-hartzaileei.
Proiektu honetan izena emateko epea uztailaren 1n ireki zen. Informazio gehiagorako, sfernandez@iraurgiberritzen.eus helbidera idatzi edo 943851100 telefonora deitu daiteke, Sandra Fernandezengatik galdetuz.