Atsekabea adierazi nahi diegu bazkideei nahiz tabernako bezeroei, tabernaren itxierak sor ditzazkeen eragozpenengatik

Erabiltzailearen aurpegia Lagun Onak Mendi Bazkuna | Gizartea | Iruzkina
2018-01-09 20:52

Lagun Onak mendi bazkunaren batzordeak ohar hau zabaltzea nahi du, kontrabandoko tabakoa saltzeagatik Mendizaleen taberna hiru hilabetez itxiko dutela-eta azken egunetan zabaldu den albistearen harira.

- Lagun Onak mendi bazkuna da albiste honekin atsekaberik handiena hartu duena.

- Lagun Onak mendi bazkunak taberna errentaturik dauka, eta haren kudeaketa guztia errentadunen eskuetan dago.

- Hiru hilabetez elkarteko taberna ixtea bertako errentadunek izandako axolagabekeriaren errua da.

- Lagun Onak mendi bazkunak, errentadunen ahotik, abenduaren 4an izan zuen guzti horren berri (itxiera data oraindik zehaztu gabe zegoen).

- Lagun Onak mendi bazkunak urteko batzar nagusian eman zien horren berri bertaratu ziren bazkideei.

- Lagun Onak mendi bazkunak urtarrilaren 2an jakin zuen errentadunen ahotik taberna otsailaren 28an itxiko dela.

- Lagun Onak mendi bazkunak hartu beharreko neurriak hartuko ditu errentadunarekin.

- Lagun Onak mendi bazkunak 2018ko ekintzak aurrera aterako ditu.

- Lagun Onak mendi bazkunak atsekabea adierazi nahi die bazkideei nahiz tabernako bezeroei, guzti honek sor ditzazkeen eragozpenengatik.

Informazio gehiago

Bidali:  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa