Helduentzat Valderejora (Araba) irteera antolatu du Lagun Onak Mendi Bazkunak zapaturako, urriaren 1erako. Egun osoko ibilaldia izango da, eta Valderejoko Parke Naturalari itzulia emango diote.
Zapatuan 07:00etan irtengo da autobusa anbulatorio aurretik, eta 19:00etarako Azpeitira itzultzea aurreikusten dute antolatzaileek. 6 ordu inguruko irteera izango da.
Autobuserako izena emateko azken eguna irailaren 29a, osteguna, da. Lagun Onak M.B-ren egoitzan edo webgunean eman daiteke izena. Bazkideek izen-ematea 4 euro ordaindu beharko dute, eta bazkide ez direnek 6 euro. Ikasleek eta langabetuek, aldiz, 3 euro ordaindu beharko dute.