Ilunpe pilota elkartekoek hainbat pilota partida jokatuko dituzte gaur eta bihar Izarraitz pilotalekuan eta Frontoi Txikian.
Gaur, ostirala, Frontoi Txikian eta Izarraitz pilotalekuan 18:15ean hasita jokatuko dituzte neurketak.
Frontoi Txikian, gaur, eskuz banakako lau partida eta binakako bat jokatuko dituzte: kimuen bigarren urteko lehen mailako Egigurenek (Ilunpe) Pastorren (Aretxabaleta) kontra jokatuko du; infantilen lehen mailako Clavijok (Ilunpe) Ibaberen (Aretxabaleta) aurka eta Beristainek (Ilunpe) Arbuloren (Aretxabaleta) kontra; eta infantiletako bigarren mailako Arsuaga (Ilunpe) Unanueren (gaztelupe) aurka neurtuko da.
Izarraitz pilotalekuan, gaur, eskuz banaka nagusien lehen mailan, Aimar Egigurenek (Ilunpe) Odriozolaren (Abantzu) kontra jokatuko du, eta Larrañagak (Ilunpe) Zalakainen (Oiarpe) kontra. Jubeniletan bigarren mailan, Labaka (Ilunpe) Uriaren (Abantzu) aurka ariko da. Eta kadeteen lehen mailan, Arangurenek (Ilunpe) Errastiren (Pagazpe) kontra jokatuko du.
Bihar, zapatua, 16:00etan, eskuz binaka Nagusien hirugarren mailan Ilunpe 2k Beloki 2ren kontra jokatuko du, Izarraitz pilotalekuan.
Frontoi Txikian, berriz, bihar zapatua, 15:45ean hasita, eskuz banakako lau partida eta banakako bat jokatuko dituzte. Kimuen bigarren urteko bigarren mailan, Urbistondok (Ilunpe) Nora Gastiain (Abantzu) izango du aurkaria; infantiletako bigarren mailan, Zuhaitz Labaka (Ilunpe) Zubiaren (Arrasate) kontra ariko da; kadeteen bigarren mailan, Larramendik (Ilunpe) Egibururen (Aloña Mendi) kontra jokatuko du, eta Mendizabalek (Ilunpe) Bergua (Lagunak) izango du aurkaria. Eskuz binaka, kadeteen bigarren mailako Ilunpek Hernaniren kontra jokatuko du.