Aurten ere, lehengo urtean egin zuten bezala, gabon kanten kontzertua prestatu digute Azpeitiko Metal Boskoteko kideek. Joan den urteko kontzertuaren antzera, ekitaldi hau parrokian izango da bertako jaiotzaren aurrealdean. Eguna abenduaren 27 izango da, larunbata, (arratsaldeko meza ostean) 19:15tan hasiko da ekitaldia gutxi gora behera eta kontzertu aproposa prestatu digutela iruditzen zait.
Azpeitiko Metal Boskoteko kideek gonbidapen hau luzatu digu herritarrei:
Azpeitiko Metal Boskoteak, 2008rako prestatu duen Gabon kontzertu hau, duela bost urte hasi genuen lanaren jarraipen bat da. Gure helburua, metal boskoteko musikarentzako egokituta dauden Gabon kanta desberdinak zuenganatzea da. Horretako herrialde desberdinetako kantak biltzen jardun dugu sortu ginenetik. Kanta gehienak ezagunak dira, naiz eta kasu batzuetan izenburuak ez ezer esan (moldatzaileen hizkuntzan ezarri ditugu) eta toki eta garai desberdinetako doinuak bildu ditugu. Kanten azalpen labur bat emango dugu kontzertuan zehar.
Kontzertuaz gain, meza garaian (jaun hartzean eta hiletarik ez bada) Olaizola maisuaren Ahurtxoa Sehaskan gabon kanta euskalduna eskainiko dugu.
Ohitura bihurtzera dioan kontzertu hau zuen gustukoa izango delakoan, AZPEITIKO METAL BOSKOTEKO kideen partetik gabon jai zoriontsu eta urte berri on bat opa dizuegu guztiori.
EGITARAUA
SANTA CLAUS MARCH
E. Mack
ADESTE FIDELES
John Francis Wade
ANGELS WE HAVE HEARD ON HIGH
James Chadwick
HAVE YOURSELF A MERRY LITTLE CHRISTMAS
Hugh Martin & Ralph Blane
JOY TO THE WORLD
Lowell Mason
SILENT NIGHT
Franz Xaver Gruber
CAROLS OF BELLS
Herrikoia, mold: Wim Winslett
DO YOU HEAR WHAT I HEAR?
Noel Regney & Gloria Shayne
WHITE CHRISTMAS
Irving Berlin
WE WISH YOU A MERRY CHRISTMAS
Herrikoia, mold: John Rutter
JINGLE BELLS
Herrikoia, mold: Jacob Larsen
Blog pertsonala: ibarzabaltxokoa