Bob Marleyren 'Redemption song' Azpeitian abestu zuen aurrenekoz Maiak

Erabiltzailearen aurpegia Di-da! | Kultura | Artikulua
2017-11-15 11:23

Herenegun, astelehenean, eman zuen ETB 1ek Aulki jokoa saioaren hirugarren atala. Bertan, 38. minutu inguruan hasita, Jon Maia elkarrizketatu zuten. Hain zuzen ere, Maiak Bob Marleyren Redemption song bertso moldera ekarri zuen duela hainbat urte, eta, harrezkero, etzun izan da doinu hori bertso saio batean nahiz bestean.

Kontua da Maiak Azpeitiko Gaztetxean abestu zuela lehenengoz Marleyren doinu hori, eta bideoa honako lotura honetan ikus daiteke (40. minutu inguruan). Hala azaldu zuen Maiak: "Kotxean nindoala Gaztetxera, irratian zaping egiten agertu zen kantu hori. Hasi nintzen entzuten eta tarareatzen, eta pentsatu nuen: 'Kontxo, hau igual ekar liteke bertso moldera'. Jolasten hasi nintzen kotxean, ez nuen denbora askorik, ze Zumaiatik Azpeitira 20 minutuan sartzen zara. Hasi nintzen jolasten pixka bat, eta pentsatu nuen 'Gaur hau Gaztetxean… gaur bertan aterako dut'. Eta halaxe izan zen.

Bidali:  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa