Datorren zapatuan, uztailaren 29an, pasatuko da Donostiako Klasikoa txirrindulari proba herritik. Lagun Onak Txirrindulari Elkarteak aurreratu duenez, Azpeitira 12:45 aldera iritsiko dira, Zestoa aldetik. Ondoren, Azpeititik igaro ostean, Errezil aldera hartuko dute txirrindulariek.
Aurtengoa, Donostiako Klasikoa jokatzen den 37. edizioa da. Iazko ibilbide antzekoa izango badu ere, azken lau urtetako luzeena da aurtengoa, 231 kilometrorekin.