Aurten San Inazio hil zela 450. urteurrena dela eta, beste
zera bat:
San Ignacio de Moxos, Boliviako herria da, Amazonian dago, 7.000 biztanle ditu, eta oso behartsua da. Herria josulagunek sortu zuten, eta gaur egun frantziskotarrak daude. Hango aiton-amonek hitz egiten duten moxeño hizkuntzari, ignaciano dialektoa deitzen diote, eta galtzen ari da; haurrek ez dakite dagoeneko.
Hain zuzen, herriko abesbatza eta orkestra Euskal Herrian dabil emanaldiak egiten. Urtarrilaren 9an abiatu ziren Europara San Ignacio de Moxoseko musika eskolako 37 ikasle (11-18 urtekoak), aurreneko hilabetean kontzertu ugari eskaini zuten Frantzian, Luxenburgen eta Belgikan, eta azkenaldian kontzertu asko eman dituzte Euskal Herrian (Hegoaldeko lau hiriburuetan, Loiolan bertan, Arantzazun, Hernanin ; argazkian, Tolosan, lehengo astean). Hilaren 17an itzuliko dira etxera.
Egiten duten ia musika guztia herriko artxibategikoa da, josulagunen garaiko eskuizkribuak, obra erlijiosoa. CDa ere grabatu dute.