Beñat Goitiarena den Benizze proiektuarekin hasi zen gaua, 22:30ak pasatxo, kulturguneko eszenatoki txikian. Doinu, kanta eta irudiz betetako eszena batekin aurkeztu zigun haren diskoa gasteizko bizilagunak.
Jarraian, Ke Lepo, Alejo Orbegozoren proiektua ezagutzeko aukera izan zen, haren lehen zuzenekoan. Orbegozok eta Jokin Guridik Dinamoa sormen gunean prestatzen jardundako emanaldia eskaini ziguten bertan. Kubo formako estruktura baten barnean zirela, musika elektronikoarekin eta melodia horietara egokitutako irudiekin aurkeztu ziguten landutakoa.
Kontzertu horien argazki galeria ikusgai dago, betiko moduan, kulturazartxibategidigitala.eus web orrialdean.