Marcel Marx, idazle ezagun bohemio bat, bere borondatez Le Havre-ra (Frantzia) autoexiliatu da eta bertan bizitzen jarri. Itsasertzeko hiri honetan zapata garbitzaile gisa lan eginez gustura bizi da, lanbide honi esker jendearengandik gertuago bizi dela iruditzen baitzaio.
Bere literatur anbizioei agur esan eta bizitza lasai eta zoriontsu bat darama bere emaztea, Arletty, bere lana eta bere tabernarik gustokoenaren artean.
Baina ordura arteko bere gorabehera handirik gabeko bizitzak aldaketa itzela jasango du alde batetik, Arletty gaixotzean eta bestetik Afrikatik datorren adin-txikiko mutiko bat bere bidean gurutzatzean. Borroka berri honetan bere baikortasuna eta auzoko bizilagunen solidaritatea izango ditu arma bakarrak.
ZUZENDARIA: Aki Kaurismäki
AKTOREAK: Jean-Pierre Léaud, Kati Outinen, Jean-Pierre Darroussin
URTEA: 2011
HERRIALDEA: Algeria, Finlandia, Frantzia, Norvegia
IRAUPENA: 93min