Ostegunean, otsailak 23, oilagorren ehizarako denboraldian zehar erabilitako txartelak jasoko dituzte Ollagorra Elkartean, 19:30etatik 20:30era bitartean.
Ollagorra Ehiza eta Arrantza Elkarteak jakinarazi duenez, denboraldian zehar erabilitako txartelak itzultzea "derrigorrezkoa" da. Horregatik nahi dutenek Ollagorra Elkartetik pasatzeko aukera eskaini diete. Hala ere jakinarazi dute, "norberak bere kabuz" ere egin ahal duela, federaziora zuzenduta.
Arrantzarako federatu txartela egin nahi dutenek ere otsailaren 23ean eskatu ahal izango dute, leku eta ordu berean. Hau da, ostegunean 19:30etatik 20:30era bitartean Ollagorra Elkartean.