Lagun Onak futbol klubeko emakumeen talde nagusiak ligako neurketa jokatu zuen joan den larunbatean, etxean. Ostadar taldearen aurka aritu zen Azpeitiko taldea. Partida gogorra izan zen; lehen zatian aukera asko izan zituzten Lagun Onakekoek, baina aurkarien atezainak geldiketa bat baino gehiago egin zituen. Bigarren zatian, indartsu atera zen zelaira etxeko taldea, eta norgehiagoka amaitzeko hamar minutu falta zirela, gola sartu zuen Jonek. Beraz, 1 eta 0 gailendu zen Lagun Onak. Une honetan, 23 punturekin, sailkapenaren bosgarren postuan da senior mailako taldea.
(Argazkia: Lagun Onakeko emakumeen taldea, artxiboko irudi batean)