Landak aurreratu zuen taldea atsedenaldira joan aurretik. Bigarren zatiko 68.minutuan, Egañak lasaitasunarena zirudien bigarren gola egin zuen. Hala ere, bi minutu beranduago iritsi zen markagailua berriro estutuko zuen etxekoen gola. Azken hogei minutuetan markagailuari eutsi zion Lagun Onakek.
Azken sei jardunaldietan eskuratu ditu puntuak talde azpeitiarrak eta azken hirurak garaipenak izan dira. Bostgarren postuan da sailkapenean, lidertzatik hiru puntura. Honi jarraipena emateko aukera izango du taldeak asteazkenean; arratsaldeko bostetan Lagun Onaken eta Alavesen arteko partida izango da Garmendipen.
Deusto: Azpillaga, Garikoitz, Aitor (Markel, 73.min), Unai, Carro, Gorka, Egoitz, Bengoetxea (Andiko, 83.min), Jon Martin, Pisón (Ilia, 73.min) eta Raul.
Lagun Onak: Mikel, Renovales (Elustondo, 88.min), Tena, Olasagasti, Castillo, Julen, Landa (Arufe, 56.min), Ugaitz, Orbegozo, Egaña (Ximon, 74.min) eta Aranburu.
Golak: 0-1, Landa (44.min); 0-2, Egaña (68.min); 1-2, Aitor (70.min).
Epailea: Angulo. Deustoren partetik txartel horia erakutsi zion Gorkari eta Markel kaleratu (90.min) zuen. Lagun Onakeko Tena, Julen eta Mikelek txartel horia ikusi zuten.