Zapatuan izango da aurtengo Lagun Onak Eguna

Larunbat honetan, hilak 27, Lagun Onak Futbol Taldeak bere eguna ospatuko du, urtero legez. Horretarako, egitarau oparoa antolatu du gazte nahiz helduentzat larunbat goiz parterako.\ \ Gaztetxoenek emango diote hasiera festa egunari. Bederatzietatik hamaiketara, Lagun Onakeko eta Anaitasunako futbol eskoletako neska-mutilek izango dute protagonismoa. \ \ Hamarretan izango da txupinazoa. Aurtengoan, Iñigo Arregi Lagun Onakeko lehendakari berriak eta Hodei Tena Hirugarren Mailako kapitainak izango dute txupinazioa jaurtitzearen ardura. \ \ Hamaiketan, futbolaz gozatzen jarraitzeko parada izango da, Lagun Onakeko eta Anaitasunako emakume beteranoen eskutik. Aldi berean, entrenatzaileen eta delegatuen arteko partida interesgarria ere jokatuko da.\ \ Eta goizeko ekitaldiak agurtzeko, gizonezko beteranoen partida jokatuko da hamabiak eta laurden aldera. Lagun Onak eta Real Union izango dira aurrez aurre.\ \ Ondoren, ohiko bazkaria egingo dute Kiruri jatetxean Lagun Onakeko kide guztiek. Bazkaria amaituta, kaleak girotuko ditu elektrotxarangak. Eskerrak Lagun Onaken partetik AZTE elkarteari.\ \ Futbola eta giro ederra ez dira faltako; beraz, hurbildu Garmendipera!