Larunbatean izango da azoka eguna, eta hemen ere izango da kultur eskaintza. Izan ere, aurreko edizioetan bezala, argazki estudioa jarrriko du kioskoan Azpeitiko Argazki Elkarteak. Gaztetxoenentzat, berriz, material birziklatuarekin musika-tresnak sortzeko eta apaintzeko tailerra egingo dute Azpeitiko Metal Boskoteak, Arte eta Diseinu eskolak eta Jauzikak. Honen ostean, kontzertua eskainiko du Metal Boskoteak plazan bertan.
Sanjuandegiko Azoka Herritik hasiko da bihar, ostirala, abenduak 16. Trikitilariak arituko dira iluntzean asteroko pintxo potea animatzen. 22:00etan, berriz, Ane Jurado eta Xabi Arrietaren kontzertua izango da Jim Clark tabernan.