Azpeitia eta Azkoitia arteko bidegorriaren hasieran, Loiola parean, baserri baten teilatua hala moduz dagoela eta, herritar batek abisua bidali du Uztarria.eus-era. Hain zuzen ere, teilatuaren zati bat kolokan dagoela ikus daiteke argazkian, eta kezka agertu du herritar ugari ibiltzen delako eremu horretan. Honako hau dio herritarrak bidali duen mezuan: "Teilatu zati hori ez dakit oso seguru dagoen. Dagokionak azter dezala zer egoeratan dagoen, eta neurriak har ditzala, inori gainera erori aurretik. Hor azpitik jende asko pasatzen da egunero".
