Egoitz Arruti

 

Maite zaituztet

Erabiltzailearen aurpegia Egoitz Arruti | 2017-07-10 : 09:00 | Iritzia

Denbora eskatzen digutenean, badirudi, errazena maitasunari orduak lapurtzea dela. Itxura denez, sentimendu politen altxorra eskuen artean dugunean, galtzeko beldurrak gutxi izutzen gaitu. Besteak beste, berdin zaigu beste norbaitegatik sentitzen duguna edo geure burua maitatzean sentitzen duguna izan, norbait denbora eskean datorkigunean, alde batera uzten dugun aurreneko gauza maitasuna da.

Izarraitz magalean

Erabiltzailearen aurpegia Egoitz Arruti | 2017-03-28 : 15:46 | Iritzia

Mendi magal harritsuak babesten gaitu edo gailurretik begira dugun Inaziok, sinesmenaren arabera hori ere. Eskura dugu mendia hain gertu, eta, tarteka, nahiko urrun. Ihes leku zoragarria izan da gutariko askorentzat Izarraitz, sarritan irtenbide, eta, askotan, motibazio aurrera jarraitzeko. Lotura geografikoaz gain, sentimenduz gogorturiko kate lodia da azpeitiarrok mendi horrekin duguna. Askotan joaten gara lasaitasun bila, isiltasun eskean, eta egun ez dugu entzuten fundizioko labearen hotsik.

Mozorroak

Erabiltzailearen aurpegia Egoitz Arruti | 2017-02-23 : 13:38 | Iritzia

Gainean ditugu gure herri honetan ihauteriak. Urteroko moduan aukera bikaina izango dugu parrandarako, eta, bide batez, mozorrotzeko. Elegante Egunak ate gutxi irekitzen dizkio originaltasunari, beraz, astelehen gaua aprobetxatuko dugu hainbeste denboran buruan izan dugun pertsonaia, gauza edo animalia gisara jantzita kalera ateratzeko.

Lavillenie

Erabiltzailearen aurpegia Egoitz Arruti | 2017-01-03 : 16:13 | Iritzia

Abuztua zen eta goizeko hirurak buelta izango ziren zenbait kirolzale telebistaren aurrean geundenean Renaud Lavillenieri begira. Haren azken saiakera zen Rioko Olinpiar Jokoetan urrea lortu ahal izateko, aurkaria brasildar bat, etxekoa. Denok ikusi genuen, bat-batean, Lavillenie frantziar gaztea bere pertiga hartzen ari zela malkoak lehortzen; harrigarria egin zitzaigun haren mailako atleta modu horretan ikustea. Hurrengo egunean berriro malkoak isuri zituen Lavilleniek zilarrezko domina jasotzerakoan, beste behin txistu eta oihu hotsak gailendu ziren Rioko Joao Havelange estadioan. Harro ziren brasildarrak, uste zutelako denen artean lortu zutela urrezko domina hura eta, neurri batean, hala izan zela esan daiteke.

Igerilekuko biosfera

Erabiltzailearen aurpegia Egoitz Arruti | 2016-11-29 : 17:57 | Iritzia

Igerilekuko erabiltzaile bezala, tarteka gauza bitxiekin egiten dut topo bertan. Agian ni izango naiz erraz asaldatzen den horietakoa, edo garbitasuna behar baino gehiago behar duenetakoa. Jarraian, Azpeitiko igerilekuan ikusi ditudan zenbait egoeraren berri emango dizuet, akaso bakarren batekin identifikatuak sentituko zarete; agian, ez zarete nire ikuspegiarekin ados egongo.

»» Erantzunak: 1 (Iosu Garate)

Lana

Erabiltzailearen aurpegia Egoitz Arruti | 2016-11-09 : 09:55 | Iritzia

Lanaren derrigorra jakinekoa dugu, bizitzan aurrera egiteko lan bat behar dugu, geure ametsak betetzeko, bizitza duin bat izateko. Lanak pertsona bezala garatzen laguntzen digu, eta ezinbesteko helburu dugu. Lanarekiko baloreak oso goraipatuak dira, honela, langile onaren famak, pertsona onarenarekin lotzen dira sarritan. 

Oporretan trumoia

Erabiltzailearen aurpegia Egoitz Arruti | 2016-08-19 : 09:00 | Iritzia

Ia denoi aurre hartu dizuet oporrei dagokienez. Eguntxo batzuk libre genituenez, Pirinioetan zehar ibili gara, furgonetan traste batzuk sartu eta kanpinetik kanpinera, errutinari ihes egin nahirik. 

1, 2, 3... Iraurgi

Erabiltzailearen aurpegia Egoitz Arruti | 2016-07-08 : 08:59 | Iritzia

Orain dela urte batzuk, Iraurgi saskibaloi taldean hainbat lan egiten saiatu nintzen, hobeto edo okerrago, saltsa askotan aritu nintzen, ahal nuena ematen. Urteak aurrera, beste bide bat hartu nuen, akaso neure burutik gertuago zegoen bidea.

Atsegin dut

Erabiltzailearen aurpegia Egoitz Arruti | 2016-03-30 : 17:23 | Iritzia

Hausnartzeko tarterik gabe, sare sozialetan zabaltzen ditugu gure errealdiak. Bateko eta besteko, hor gabiltza mundua konpondu nahian, esaldi dotoreak jarriz, kontzientziak astindu nahirik. Arazoaren muina jakiteko astirik izan gabe, momentuko beroaldiak urrutira eramaten gaitu, olatuaren gainean klik batzuen babesa topatu nahiak, autoestimua igotzeko instrumentu bat, geure pribatutasuna sarean utzirik.

Denboren mugak

Erabiltzailearen aurpegia Egoitz Arruti | 2016-02-25 : 10:47 | Kirolak

Lagun batek kontatu zidan, bizitza guztian kirolean aritua, duela urte batzuk Behobiatik Donostiarako lasterketa egin nahian, ospitalean amaitu zuela. Ez da guztiz ondo akordatzen gertatu zitzaionaz, Kursalaaren inguru horretan izango zela dio, oroitzapenak diapositiben modura pasatzen zaizkio burutik gogoratzeko ahalegina egiten duenean. 

Kinoa

Erabiltzailearen aurpegia Egoitz Arruti | 2016-01-25 : 16:11 | Iritzia

Bizitza xume eta lasai bat nahi dugu, naturari lotuak eta osasunaren ikur. Alternatiboak garela uste dugu, nahiz eta talde alternatiboetan gauden edo gizarte zabal alternatibo baten zati garen.

Kakak

Erabiltzailearen aurpegia Egoitz Arruti | 2015-12-15 : 09:38 | Iritzia

Garaian garaikoa, udazkenarekin batera, hegazti migratzaileak badoaz leku beroagoen bila. Milaka hegaztik, nekea pilatuz, Afrikarainoko bidaia egingo dute. Gurean, berriz, badirudi korrika egiteko garaia dela. Loiola aldera edo Loiola aldetik,  batzuk Aizpurutxoraino eta zenbait Lasaoraino, espaloietan edo errepide ertzetik, tarteka zelaietatik, edozein ordutan ikus daiteke jendea korrika.

Ausentziak

Erabiltzailearen aurpegia Egoitz Arruti | 2015-10-28 : 10:01 | Iritzia

A haztu nahi diren une luzeak, azaldu ezin diren sentimenduak, minez beteriko taupadak, inoiz beteko ez diren hutsuneak, ausentziek bete gabe utzi dituzten ametsak, eguzkiak ere argituko ez dituen itzalak. Hautsitako irri bakoitza, galdutako itxaropena, etorkizunari beldurra eta oroitzapenen samina. Galdutako oraina, etenik ez duen erlojuan, orratza aurrera doa. Nora garamatza hauskorrak garela onartzeak, zirkunferentziak marrazten goaz bizitzan, errepikatzen diren zikloak dira gertatzen zaizkigunak.

Beldurrak

Erabiltzailearen aurpegia Egoitz Arruti | 2015-07-07 : 08:04 | Iritzia

Bat. Pauso biziz, Erdikaletik gora, saiatuz lurreko harrien marrak ez zapaltzen, argitik argirako iluntasunei ihesika, tarteka atzera begira, inork jarraitzen ez duela behin eta berriz baieztatu nahirik bezala. Udaltzainen bulegoan argia ikusten da. Plazako obrak sahiesteko bidea apur bat luzatu eta udaletxe azpian direnei bi edo hiru aldiz begiratu. Behingoz portaleko atea presaka zabaldu, eskaileretako argia piztu eta korrika etxeko ateraino, behin barnean frantzeseko liburua utzi aulkian eta sakon arnastu, lasai. 

Bidaiariak

Erabiltzailearen aurpegia Egoitz Arruti | 2015-06-16 : 09:29 | Iritzia

Ez da erraza bidaia bat egiten dugunean inguru hauetako norbait ikusi gabe itzultzea, berezkoa dugu bidaiatzeko irrika, itxura denez. Horregatik, eta Aste Santuen ostean, udako planak egiteko garaian gaudelako, oso erabilgarria egin zaidan iradokizun bat egin nahi nizueke. Bere garaian esan zidaten, bizitzan saiatu behar zarela bi bidaia mota egiten, gutxienik. Bata, zeure herrialdea baino status ekonomiko baxuagoa duen herrialde batera, eta bestea, alderantziz, zeure herrialdea baino status ekonomiko handiagoa duen herrialde batera, alegia.