Erosi Azpeitian, busti gabe!

Erabiltzailearen aurpegia Bertan Merkatari Elkartea | Ekonomia | Argazkia
2017-11-13 09:15

Bertan Azpeitiko Merkatarien Elkarteak, bezeroei erosketak egiteko erosotasunak emateko helburuarekin, "Erosi Azpeitian, busti gabe" kanpaina jarri du martxan. Kanpaina honen bidez, Merkatari Elkarteko saltokiek koloretako aterkiak izango dituzte bezeroen eskura. Euria egiten duen egunetan aterkia erabiltzeko aukera luzatuko zaie bezeroei, eta horiek, Elkarteko saltoki batetik aterkia hartu eta erabili ostean, beste batean utzi ahal izango dute. Aterkien tamainak eta sendotasunak, busti gabe, herrian erosketak egitea ahalbidetuko die bezeroei.

Aterkiak Herri Hezitzailea egitasmoaren barruan elkarlanean atera ziren, duela hilabete batzuk eta hainbat erabilera eman ostean, herriko bezeroak estaltzeko funtzioa beteko dute aurrerantzean. Ekimen honekin, Azpeitiko merkatariek bezeroarekiko duten gertutasuna eta zerbitzu gehigarrien bidez eskaintzen duten erosotasuna agerian gelditzen da.

Bidali:  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa