Aspalditik dihardute lankidetzan oinarritutako ekintzak egiten Kulturaz Kooperatiba Elkarteak eta Bertan Azpeitiko Merkatarien Elkarteak. Hainbat izan dira bi erakundeen interesak bat egin eta sinergiak baliatzea ahalbideratu duten elkarlan puntualak: babesletzak, zozketaturiko afari eta sarrerak, moda desfileak…
Orain, bi elkarteen arteko harremanean pauso berri bat eman dute lankidetza-hitzarmen bat sinatuta. Modu horretan, Kulturazek eta Bertanek elkarlanean lan egiten jarraitzeko konpromezua hartu dute, orain arte bien artean izandako elkarlana paperean formalizatuz. Lankidetza-hitzarmen hau indarrean jartzeko, duela aste batzuk sinadura-ekitaldia egin zuten Jose Luis Otamendi Kulturazeko ordezkariak eta Karmele Zabaleta Bertaneko presidenteak.