Merkatariei zuzenduta, Motibazioa izenburupean doako ikastaroa antolatu du Bertan Azpeitiko Merkatari Elkarteak. Ikastaroa coaching teknika bidez landuko da, eta honako gaiak jorratuko dira bertan, besteak beste: lidertza, talentua, trebetasunak eta hobetze puntuak.
Guztira 20 orduko ikastaroa izango da, 2 ordu eta erdiko 8 klasetan banatuta (azaroak 16, 17, 18, 21, 22, 23, 24 eta 25). Saioak eguerditan izango dira, 14:00etatik 16:30era, Sindikatu Zaharreko 1. solairuan (Enparan kalea, 1). Irakaslea Sara Gonzalez izango da. Interesatuek bertan.azpeitia@gmail.com helbidera idatzita edo 688823944 telefonora deituta eman dezakete izena. Izen-ematea azaroaren 11n, ostirala, amaituko da.